Sunday, November 18, 2007

حريق سيتى ستارز


حدث منذ ساعتين تقريبا حريق فى سيتى ستارز وتحديدا حدث الحريق فى المجمع التجارى فى الدور الخامس بأحد المطاعم وانتقل الحريق إلى أحد دور العرض السينمائى المجاورة لهذا المطعم
ولم أستطع مقاومة غريزة الصحافة التى تجرى فى دمى وخرجت من شغلى فى الناحية الأخرى من العاصمة متوجها كالطلقة إلى مدينة نصر لتغطية الحدث واليكم التقرير
لم يسفر الحدث عن أى خسائر فى الأرواح لاسيما بعض الأصابات التى نتجت عن الأختناق وتجمعت نحو خمسة عشر سيارة إسعاف تم نقل المختنقين إليها
وتجمهرت الناس أمام المركز التجارى وحدثت بعض الأشتباكات الطفيفة بين الجماهير ورجال الأمن وذلك لغباء وسوء تصرف الشعب المصرى الذى ليست عنده أى فكرة عن اساسيات وقواعد التصرف فى مثل هذه المواقف
وحين قمت بأحد الحوارات مع الذين كانوا فى المول فى أثناء حدوث الحريق كان هذا تعليقه
ده غضب من ربنا...ماهو من النجاسة اللى بتحصل جوا

ولولا جدية الموقف لكنت استمرقت فى الضحك حقا....فدائما المصريين يربطون مواقفهم اليومية بالإله مباشرة دون أى إستخدام لمنطق أو لعقل

فإذا أصابت شخص ملتزم كارثة قال الناس هذا إختبار من الله وإذا جاءت مصيبة لشخص منحل قال الناس هذا عقاب من الله !!!!!!!!!!!!!!!!!!!!0
لابد أن يبدأ الناس فى فهم شىء يدعى الصدفة وهى مجموعة من العوامل الغير مرتبطة ببعضها تجتمع بشكل ما ليحدث نتيجة غير متوقعة

فإذا كان هذا هو المقياس (اللى هو النجاسة)0
فلماذا لم يولع آتون حتى الآن ؟
ولماذا لم يحترق صدر جوليا المشهورة ببوبى حتى الآن ؟
ولماذا لم تختفى من على الخريطة الولايات المتحدة الأمريكية الممتلئة شذوذا وانحراف جنسى ؟
غريب أمرك ياشعب مصر
لا أنكر تدخل الله فى حياتى الشخصية بشكل مباشر فى كثير من الأوقات ولكن هذا لا يعنى إن كل موقف أو كل حدث يجرى لى بتدبير من الله !!!!!0

32 comments:

Anonymous said...
This comment has been removed by a blog administrator.
MiDz said...
This comment has been removed by a blog administrator.
MiDz said...
This comment has been removed by a blog administrator.
MiDz said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
micheal said...

ربنا أكيد له دخل في كل حاجه بتحصل في الدنيا و أكيد له حكمه بعيدا عن الافتاء في حريق سيتي ستارز
أما بالنسبه لاتون فلا تقلق...أؤكد لك أن اخرته أسود مما تتخيل و بإذن الله ستأتي قريبا و سأكون أول الشامتين المهللين في اتون
أما جوليا فنهايتها معروفه بس اصبر شويتين

micheal said...

و أمريكا برضه حتكون نهايتها سوداء بإذن الله و ده مش بس للشذوذ الجنسي و الانحرافات و لكن أيضا لانها إمبراطوريه الشر الكبري علي الارض التي سفكت الدماء و هتكت الاعراض و شردت الامنين و قتلت الاطفال والنساء و الشيوخ بدم بارد و لذلك فأني متأكد من نهايه هذه الامبراطوريه التي ستكون أشد سوادا بإذن الله من الامبراطوريات السابقه و ابقي افتكر كلامي

Anonymous said...

طبعا انا مقدر مدي حرقه دمكم و دمي لما قرينا اخر جمله من مقال الكاتب بس اظن ان وصفه بشتيمه زي دي (ان كان فعلا كده او لا) مش هي الحل اللي زعل علشان هو عنده انحراف في تفكيره او ايمانه من الواجب عليه انه يقدمله النصيحه بدل ما يشتمه ( ادفع بالتي هي احسن)
اقوله فعلا كل حاجه ربنا بيدبرها و ما فيش حاجه بتحصل الا اذا كانت بأمره
هي الفتن كلها كده كبيره او صغيره ربنا بيعملها علشان يظهر ايمان الناس
ربنا يهديك و يسامحنا و يسامحك

Unknown said...

ايه يا عم ميراج انت كل شويه عامل مشكله و اجي احوش عنك
امسح التليقات الي فوق علشان دي قلة ادب و مش طريقة حوار

بس ايه النجاسه الي بتحصل جوا؟؟!!

يعني المهم في الموضوع ان المفروض ننتبه ان الشعب جاهل بالاسعافات الاوليه و الي المفروض بتعمل في حالة الحريق

بس كله بتدابير الله و كل حاجه بتحصل ليها حكمه اكيد الله اعلم بيها

3abdo_3abed said...
This comment has been removed by a blog administrator.
3abdo_3abed said...

الموقع
http://www.harunyahya.com/arabic/

cerebellum14 said...

تصدقوا بالله!!..انتوا ناس مستفزين جدا!!..انا مش فاهم ايه لازمة الشتايم و قلة الادب دى؟؟
هو ده الدين اللى انتو انبريتوا مدافعين عنه؟؟؟...هو ده الايمان اللى انتوا بتعيبوا عدم وجوده عند الكاتب؟؟..كل واحد بيتكلم و كأنه الوصى على الدين .. او كأنه حارس مفتاح خزاين الدين
والاغرب انى متأكد ان كل واحد بعت تعليق سفيه بيشتم او بيقل فى ادبه فيه كان فاهم ان ربنا حيثيبه عليه خير الثواب!!..تفتكروا ده اللى ربنا عايزه؟؟؟
ان اى صوت يطلع لمجرد انه بيقول حاجة جديدة او تناول الحياة باسلوب مختلف او حتى بص من شباك تانى غير اللى احنا اخدناعليه ، يتهاجم و يتشتم و يتلعن و كأنه كفر؟؟؟
ده حتى لو فعلا كفر ، فهو حر
كفاية سذاجة بقى و فرض وصاية على الاخر و كأننا ملايكة او آلهه لا نخطئ
محدش فيكو سمع عن حاجة اسمها " تحضر " ؟؟
التحضر يا سادة فى ابسط معانيه هو " تقبل الاختلاف " ، كفاية مزايدة و مصادرة لافكار الناس!!
ولما حد يقول فكرة .. يترد عليه بفكرة .. بدون سب او قذف او تطرق لامور شخصية!!
و صدقونى اسلوبكوا الهمجى ده .. لا يدل إلا على ضعف الشخصية و الافتقار الى الادلة و الحجج المنطقية اللى تردوا بيها !! .. وصدقونى ان الكلام ده ما يرضيش ربنا .. ولا يرضى اى حد غير العقول المريضة المتغطرسة .. المتعالية .. وكأنهم اقرب الى الله من الجميع
ربنا هو رب الجميع يا سادة .. و كلنا سواء .. حرام عليكوا الراجل ما غلطش فى حاجة .. هو شايف ان الحياة يحكمها الصدفة .. واعترف امام الجميع بوجود اله و انه بيتدخل احيانا فى حياته .. و ده رأيه .. ولازم نحترمه و لو اختلفنا معاه!!!

اما عن رأيي فى الموضوع .. انا شايف ان حياة كل انسان هى عبارة عن تصميم معقد متصل بالتصميمات الاخرى لحيوات الاخرين ليكونوا جميعا تصميم اكثر تعقيدا .. الا و هو الحياة "
فالحكم ليس للصدفة البحتة .. وليس الحكم ارنباط كما يدعى الناس ( اقصد انه مش عشان مثلا ان المول فيه نجاسة .. فيولع !! ... وبا فالن ربنا كرمه عشان بيعمل خير )
الحياة اكبر من كده بكتير .. وربنا اعظم من انه يتركنا للصدفة ، او انه يجعل الحياة ارتباطية باعمالنا و سلوكنا !!

Unknown said...
This comment has been removed by a blog administrator.
micheal said...

cerebullum14
أحييك لاني برضه مش موافق زيك علي أسلوب الشتيمه اللي أتبعه البعض هنا و ذلك بالرغم من اختلافي الدائم مع ميراج في معظم الامور إن لم تكن كلها
:)

micheal said...

ميراج...بلاش فعلا تصف الشعب المصري بالغباء لان في النهايه أنت واحد من ضمن هذا الشعب
نفسي كده نقعد مع بعض قعده طويله نتناقر فيها في كل المواضيع دي بس طبعا متقوليش نقعد في اتون
:)

Anonymous said...

اهم حاجة الراجل المستفز اللي لابس بدلة و طالع في التلفزيونات عمالك كدب و تليس يتكلم عن سرعة و كفاءة الدفاع المدني
اكيد مخبر من بتوع الحكومة او الحزب الوطني

Anonymous said...
This comment has been removed by a blog administrator.
احساس لسه حى said...

عزيزى
مش فاهم يعنى ايه شعب غبى
فى كل الدنيا بتحصل كوراث وبيحصل فيها سوء تصرف وحسن تصرف حسب الموقف والموجوديين فيه مش عارف هو فى حد يتهم اهل بلده بالغباء
اظن ده الغباء بعينه ومش حريه ولا جراه ولا شطاره اننا نشتم فى بلدنا
واهلها يا ابن فرد من هذا الشعب الغبى اللى هو ابوك واخوك واهلك
ولا هما مش من هنا
سلام

Anonymous said...
This comment has been removed by a blog administrator.
Person said...
This comment has been removed by a blog administrator.
Anonymous said...

خخخخخخخخخخخخخخخخخخ

انت عاوز جوليا تولع؟؟
يا مفتـــــرى
اومال الشوباب ينتعش ازاى ولا يحس ان المزز لسة بخيرازاى؟

قول لى
هو الختم اللى على الرفارف تبعها دة
مش بتاع ميلودى برضة؟؟

ميلودى دى مبدعة وسبّاقة دايما
هو دة اللى الناس محتاجة له

=================

الشعب المصرى لا يستحق ان يوصف بالغباء يا عزيزى
بل هو شعب عاطفى وطيب لدرجة لا يصدقها عقل
ومن شدة طيبته وعاطفيته يراه الآخرون غباء

لكنه أنقى وأطيب شعب تقدر تقابله او تتعامنل معه
يكفى انه يسلم مقاديره لقوه خالقه اعترافا منه بضعفه وضآلته اما الخالق

تلك الضآلة التى استعظم على آخرين الاعتراف بها وتلبسوا الكبر والتكبر والغرور واتبعموا مقولة
لا اله الا انسان

الانسان اللى قرصة بعوضة او نملة ممكن تبعته بعثة للآخرة


عموما انا مش معاك فىتوصيف الشعب بالغباء
لكن كل انسان خلفيته العقائدية هى اللى بتخرج الأجوبة على لسانه

بدليل لو كنت كملت اسئلة وسالت واحد مثلا لادينى او ملحد أو علمانى ماشى جنب المبنى
كان قالك ننتظر الفحص النهائى ونشوف ان كان ماس كهربائى ولا بفعل فاعل للتغطية على اختلاسات او تلفيات او سرقات

لكن انت مسكت شخص واحد وسألته
و حظه المنيل انه كان انسان قدري او من المؤمنين بتدخلالقدر او القدرة الالهية فى سير الحياة

هى دى كل القصة

=========

أسجل انا كمان رفضى للشتيمة عالفاضى والمليان والألفاظ البذيئة

تحياتى


كان قالك

Anonymous said...
This comment has been removed by a blog administrator.
Samir Saad said...

إله ولكن. هاتان هما الكلنتان التان تجيئان ببالي حيال هذه الأمور. لست أدري ان كانت الصورة التي لدى البسطاء عنه والتي تظهر في تلك التصرفات هي صورته الحقيقية أم لا بفرض أنه موجود أساسا. ولكن ما أعلمه جيدا هو ان الصورة العملية له التي نراها في الشارع وفي تعاملاتنا اليومية والتي تختلف كثيرا عن الكلام النظري حوله، هي صورة لا ترقى أن تكون لإله عبده أجدادنا من ملايين السنين.
فإما هو من طراز أقدم من حياتنا، وإما شعوبنا تعود للوراء، وقد يكون الأثنين معا
.

Anonymous said...

رحم الله رجل الأمن الذي قضى نحبه في الحادث..ونرجو أن يتقبله الملى عز وجل مع الشهداء
ونتمنى الشفاء العاجل للمصابين
وفي الحقيقة نحن لانعرف أي شئ عن قواعد وإجراءات السلامة..وأتمنى أن يكون هذا الحادث غرصة لتدريس أمور السلامة في المدارس والجامعات والأندية ومراكز الشباب والمصانع والشركات وأماكن العمل
لابد من التدريب على التصرف الآمن في حالات الحرائق والزلازل والإنهيارات
ومعرفة الإسعافات الأولية

Anonymous said...

أعتذر عن الأخطاء الإملائية في المشاركة
السابقة
رحم الله رجل الأمن الذي قضى نحبه في الحادث..ونرجو أن يتقبله المولى عز وجل مع الشهداء

ونتمنى الشفاء العاجل للمصابين
وفي الحقيقة نحن لانعرف أي شئ عن قواعد وإجراءات السلامة..وأتمنى أن يكون هذا الحادث فرصة لتدريس أمور السلامة في المدارس والجامعات والأندية ومراكز الشباب والمصانع والشركات وأماكن العمل
لابد من التدريب على التصرف الآمن في حالات الحرائق والزلازل والإنهيارات
ومعرفة الإسعافات الأولية

Anonymous said...

أعتذر عن الأخطاء الإملائية في المشاركة
السابقة
رحم الله رجل الأمن الذي قضى نحبه في الحادث..ونرجو أن يتقبله المولى عز وجل مع الشهداء

ونتمنى الشفاء العاجل للمصابين
وفي الحقيقة نحن لانعرف أي شئ عن قواعد وإجراءات السلامة..وأتمنى أن يكون هذا الحادث فرصة لتدريس أمور السلامة في المدارس والجامعات والأندية ومراكز الشباب والمصانع والشركات وأماكن العمل
لابد من التدريب على التصرف الآمن في حالات الحرائق والزلازل والإنهيارات
ومعرفة الإسعافات الأولية

مصطفى محمود said...

اية الجديد يعنى ..... الناس طول عمرها كدة

على باب الله said...

لا تعليق

-

مفيش كلام يتقال .. خلاص حكاية ده غضب من ربنا عليهم دي بقت لبانة في أفواه الكثيرين

قالوها في 11 سبتمبر

و قالوها لما المسرح وقع علي اليهود في إسرائيل

و قالوها أهوه في سيتي ستارز

--

في شوية أكلاشيهات محفوظة كده

بتكرر وقت الحاجة

--

Anonymous said...

هى الشتيمة مش هتنفع فى المواقف دى
بس انت عارف الواحد مننا التشيمة بتقعد تقرص فيه
لغاية ما بيضطر انه يطلعها فى الأخر
حتى و لو مش هتنفع
بس لازم تطلع

على العموم انا من حقى انى اشتم
و انا فعلاً شتمت بس مش هكتب الشتيمة
علشان عيب و مايصحش

موضوع وصف الشعب بالغباء
قأقدر أقولك أنك مش لواحدك اللى بتقول كده
فى مصر حوالى 70 مليون واحد بيقولوا ان الشعب المصرى غبى
طبعاً العدد كبير على إن احنا نكدبهم

بخصوص موضوع الصدفة دة
يا ريت تفكر فيه باستخدام عقلك
يعنى بلاش تستخدم حاجة تانية
طبعاً انت عارف كرجل مثقف إن الإنسان بيفكر بأكتر من حاجة
مش بعقله بس

و بما أنك مازلت مؤمن بالله
فيا ريت تفكر فى الله على أنه خالق الكون
مش رئيسك فى العمل

mimi said...

كل دي تعليقات محذوفة يا تري كان فيها ايه؟ مع إنك ملك الديموقراطية يا كنج...
في البوست ده عندك حق وانا معاك

rVc said...

عيب اوى لما تبقى بتتكلم عن التحضر و الثقافة و تشتم الشعب اللى انت منة مش معنى انك لقيت حد جاهل بيقول كدة انك تعمم الموضوع على الشعب كلة لان كدة ببساطة بتخلى مفيش فرق بينك و بينة!!
هو بيعمم وبيقول ان كل الناس اللة جوة فاسدة و انت جيت قومت معمم و قايل ان الشعب كلة جاهل!