Sunday, November 4, 2007

عقد يعقد





خرج صديقها من التواليت ليجدها ملقاة على الإريكة تنزف الدم من أنفها ويتسلل اللعاب الأبيض اللزج من فمها وجحظت
عيناها لتنظر إلى السقف تاركة سطور الهروين على الطاولة مرتبة بعناية وموازية لبعضها البعض ويفصل بينهم فراغ ينعكس فيه ضوء السقف على زجاج الطاولة।0
فزع الرجل واحتواها بذراعه فسال لعابها أكثر وأكثر فانهارت أعصابه وحملها إلى سيارته متجها إلى تاجر الهروين
الذى يعرف أنه يكون عنده حلول للجرعة الزائدة للهيروين.0

أتصل به فى الطريق فنهره التاجر آمرا إياه أن يبتعد عن منزله لأنه لا يستقبل جثث شبه ميتة ولم تنتهى المكالمة حتى سمع صوت اصطدام الرجل فى جراج بيته.0

دخلوا إلى المنزل بالفتاة وطلب الرجل من التاجر حقنة الأدرناليين بسرعة ورفض التاجر أن يعطيها بنفسه فترك الرجل يفعلها. 0
مزق الرجل بلوزتها ليستطيع تحديد مكان قلبها ورسم دائرة حول قلبها ثم رفع يده عاليا ماسكا الحقنة وهوى بها بأقصى ماعنده من قوة إلى الهدف مباشرة।
0
إلى قلبها.0

انتفضت ناهضة مطلقة شهقة عميقة ناظرة لما حولها بذهول ليتنفس الجميع الصعداء.0



كان هذا مشهد من أهم وأروع وأجمل مشاهد فيلم



Pulp fiction







فيلم لم يحدث مثله من قبل فى تاريخ السينما الأمريكية ولن يتكرر أبدا أن يتجمع كل هؤلاء النجوم بدءا من بروس ويلز وجون ترافولتا والعبقرى صامويل جاكسون ونهاية بإيما طوموسون.0

فيلم شاهدته مرارا وتكرارا ولم أشبع منه حتى الآن

وقد تحدثت مرة مع الممثل والمخرج أحمد مكى فى المؤتمر الصحفى الذى سبق تصوير فيلم مرجان أحمد مرجان وأخبرنى أنه يحضر لفيلم أشبه بذلك الفيلم أسمه عقد يعقد ولكن لا أعرف حقا ما أنتهى عليه التصوير حتى الآن.0
أثق فى إبداعات أحمد مكى ولكن أخاف من الأقتباس بالنص وعدم الأجتهاد فى تقديم نفس الفكرة بصورة مختلفة.0
فى إنتظار عقد يعقد


21 comments:

micheal said...

ماشي يا عم و احنا كمان في الانتظار
ع العموم أنا رديت عليك في مدونتي بخصوص تعليقك عندي بالاضافه لنقطه هامه أثرتها أنت في مدونتك في البوست اللي فات
تحياتي

على باب الله said...

فيلم جميل جداً

حصلتلي حالة من الأنبهار لما شفته لأول مرة

و تارانتينو مخرج مبدع حقيقي

لاسع حبتين و بيتهته في الكلام

بس بيعمل أفلام حلوة

--

و بالنسبة للفيلم المصري .. أدينا مستنيين .. ربنا يكرمهم و يقدروا يعملوا فيلم جميل

Doba said...

احمد مكى دماغه هايلة بس اتمنى يستغلها صح

وبالنسبة للفيلم الاجنبى انا مشفتهوش بس هقول لزوجى الحبيب يبقى يجيبهولنا

اشكرك وتحياتى
هبة

سمـــــــــا said...

بصراحة تصويرك للمشهد قوى اوى انا مشفتش الفيلم لكن لازم اشوفه انشاء الله وطبعا الممثلين اللى فى الفيلم كلهم بعشقهم وخصوصا بروس ويلز .

لكن بالنسبة للفيلم العربى طبعا المصرين مبعدين فى طريقة القص واللزق حتى فى الحوار وعموما نبقى نشوفه برضه احتمال ربنا ينفخ فى صورتنا ويخيب ظنى .

Loving Anabel said...

ايه يا ابني انت فزعتني ايه المشهد الفظيع ده فيلم باين عليه جامد والله اعصابي اتوطرت اكتر ماهي متنيلة قوللي هو ده فالسينما؟

Mirage said...

michael
قشطة

على باب الله
مخرج مبدع بس
ده مخرج خطير
دماغه مش عادية
دماغة وهمية


doba
لأ الفيلم ده لازم تشوفيه
بس محتاج روقان بال وتركيز وانتى بتتفرجى عليه
عشان تقدرى فعلا تفهميه


سما
ربنا يستر فعلا ويعملوا حاجة حلوة


loving anabel
لأ فى السينما إيه
ده إنتاج 1994
يعنى من 13 سنة
:)
بس ممكن أجيبليك لينك ليه لو عايزة تحمليه

Unknown said...

انا ماشفتش الفيلم بس عايزه اشوفه انا بعشق بروس ويلز

بس اسه يا عم الجامد كل ده حسستني اني معاك في السينما تحليلك للمشهد حلو اوي يا ميراج و انا هادور علي الفيلم و اشوفه

romeo said...

اولااسمح لى اكون قارىء نهم لمدونتك الرائعة
انا تقريبا قرأت كل البوستات وكلها حلوة وبخصوص محمد منير انا بحبوة اووى بس فيروز اكتر شوية
على فكرة تحليلك للمشهد جميل اووى كانك انت اللى كتبتة ودة بيصور انت اد اية عندك احساس بالاشياء
اقبلنى قارى مستمتع بكتاباتك واقبل دعوتى بزيارة مدونتى
romeo

simple girl.. ..simple dream said...

وصفك للمشهد رائع
فعلا اضافله بعد جديد

اما بئا الفيلم المصرى
فربنا يستر
بصراحة انا عمرى ما شفت فيلم جنبى اتعمل فى مصر غير لمما بيكون سخيف وساذج

Anonymous said...

سلام
فعلا الفيلم خطييييير جدا
و أكثر من رائع

المشهد الذي وصفته من أعلى المشاهد في الفيلم خصوصا مشهد الابره و فكرة المخاطره
و كيف كانو خايفين انها ما تصحى و يروح زعيم العصابه يعجب عليهم

فيلم أكثر من رائع يحتاج لتركيز في المشاهده

وقفه أخيره:
من أجمل مشاهد الفيلم البدايه حين يكون اثنان لصوص واحد و واحده يتناقشان في الكافتيريا
هل يسرقان الكاشير أم الزبائن ؟

تحيـــاتي

Anonymous said...

الفيلم ...جميل...

الإخراج والسيناريو..أكتر من رائع....جديد ومبتكر

نفس تيمة فيلم لبراد بيت إسمه "سناتش"...SNACH...

إنما يجي فزلوك ويحاول يمصره ...وتحديداً احمد مكي ...فهيكون عجز وتشويه...

أحترم ثقتك في أحمد مكي...ولكن أختلف معاك لأبعد حد في هذه الثقة...

بلا عقد !!

Mirage said...

إيمى
ميرسى يارافعة دايما من معنوياتى
:)
بدل ماتدورى عليه وتتعبى نفسك
لو عايزة تتفرجى عليه فعلا
قوليلى بس


romeo
انا مش عارف أرد إزاى بجد على كلامك الجميل ده
انا جيتلك المدونة كذا مرة
بس لسه مسيبتش تعليق
وبخصوص فيروز
أكيد طبعا هى تسبق منير
بس انا عن نفسى
انا هما اتنين
فيروز ومنير
والباقى تقريبا فى الزبالة
:)
مع إحترامى طبعا



simple girl
ده صحيح فعلا بس بيبقى فى أفلام بتحترم عقل المشاهد
ودى طبعا بتبقى قليلة جدا جدا
بس ربنا يستر على الفيلم ده
اصله لو اتعمل صح هيبقى قنبلة

Mirage said...

mais
وهو ده المشهد اللى انتهى عليه الفيلم
بس ده انتى باين عليكى حافظاه
:)
الفيلم غير عادى ومبهر بكل المقاييس
اتمنى اشوفك دايما فى البلوج بتاعى


محمد القط باشا
ماهو ممكن الفزلوك ده يطلع بحاجة كويسة
بس ممكن برضه يخرى
دى بأه ربنا هو اللى يعلمها
فى الإنتظار
بس انا معرفش الفيلم بتاع براد بيت اللى انت بتقول عليه ده
شكله تمانينات كده

Loving Anabel said...

يباريت يا ميراج من فضلك و فيه فيلم تاني كمان اسمه the ring نفسي الاقيه برضه بيقال انه رهيب لو تعرف تدلني عليه اكون شاكرة جدا

Ehab said...

ماشي يا باشا
يعني انت كمان بقيت ناقد للأفلام الأجنبي
بجد يا ميراج انت واضح ان عندك الهوايه دي انك تدرس وتنقد الأفلام
مفكرتش تدرس الموضوع ده بجد

احييك على البوست
وبخصوص الفيلم مش عارف هاحاول اجيبه
اصل انا معنديش جوزي يجيبلي يا عم زي ناس

عموما ربنا يسهل
سلاااااااااااااااااااام

Egyptiana Trapped Soul said...

i miss the real you

قطوف said...

إنت شوقتينى إن أشوف الفيلم دا
عرض جميل للبوست
ولاأجدع إعلان
سعيد جا بمرورى على مدونتك

قطوف said...

على فكره
رأيك يهمنى فى البوست الأخير عندى

Mirage said...

Loving anabel
انتى ممكن تكتبى فى جوجل
تحميل فيلم pulp fiction
وتجربى فى النتايج اللى هتطلعلك


الشنكوتى الكبير
تصدق إن لسه انا وواحد صاحبى بنتكلم إمبارح ان انا المفروض كنت ادرس فى معهد السينما
:)


miss egyptiana
I'm here sweetie
Just contact me


سى السيد
أشكرك ياباشا
انا عديت على مدونتك ومفهمتش أى حاجة من البوست ده

Egyptiana Trapped Soul said...

no u dont understand

i know you are here ... but i somehow feel this is not you ... not the one i walked in his blog and loved his sweet words !!!

you are changing !!!

Mirage said...

Miss Egyptianna

I promise you I'll be back soon
i'm already working on a short story that i'm pretty sure you're gonna like it much