Thursday, October 4, 2007

إسماعيل باشا


جاءنى هذا التاج من صديقة مدونتى إيمى ورغم عدم تفضيلى لموضوع التاج ده ولكن عند قرأتى للأسئلة شجعتنى على إبداء رأيى فى بعض الأمور وإليكم التفاصيل





لو قالولك اختارعصر من عصور مصر عشان تعيش فيه تختار اى عصر وفى عهد اى حاكم واشمعنى؟
اختار عصر إسماعيل باشا الذى حكم مصر من 19 يناير 1863 حتى 26 يونيو 1879
وفى عهده تمت أعظم الأنجازات المصرية فى التاريخ الحديث التى لم يحدث انجاز مثلها حتى الآن
وكانت له خطة تنمية واضحة مبرهنة بالفعل والإنتاج على أرض الواقع
فى عهده تم الآتى
أفتتاح الأنتيخانة والمتحف المصرى
أنشاء مصلحة البريد
أفتتاح مجلس الشورى
أفتتاح قناة السويس وقد أقيم حفل عالمى حضره ملوك واباطرة العالم منهم أمبراطور النمسا وأمبراطورة فرنسا وولى عهد روسيا والعشرات من أمراء أوروبا
أفتتاح أول دار أوبرا فى الشرق الأوسط
أنشاء شارع الهرم حتى يستطيع ضيوف مصر زيارة الأهرامات المصرية
أنشاء دار الكتب
أنشاء مدرسة دار العلوم (كلية العلوم)
أنشاء كوبرى قصر النيل من قبل شركة فرنسية وكوبرى الجلاء من قبل شركة انجليزية
أنشاء ميدان التحرير وحديقة الأورمان وحديقة الحيوانات
أدخال نظام أوروبى بإنارة الشوارع ليلا بغاز الأستصباح
أنشاء خط سكة حديد حلوان
أنشاء أول خط للخطوط التلغرافية
صدور أول دستور عادل ونزيه فى تاريخ مصر

كما أنه أول حاكم فى تاريخ مصر يمنح أعلى رتبة لمسيحى فى ذلك العصر وقد استحقها نوبار باشا
وكان عصره هو الأكثر تسامحا وقربا بين طائفتى الشعب حتى أن المسيحيين كانوا يبنون المساجد بكل ود ومحبة تعبيرا عن امتنانهم لانصاف إسماعيل باشا لهم
ولا ننسى قراره انه فى حالة خروج أحد المسيحيين عن الدين المسيحى إلى الدين الأسلامى يجب أن يوقع أحد القساوسة أن ذلك الشخص غير ديانته بمحض إرادته ودون أى ضغوط عليه



اول اولوية فى حياتك عيلتك ولا شغلك ولا اصحابك؟
والله هو بيبقى على حسب الحدث نفسه
يعنى لو فى اجتماع مهم فى الشغل هيبقى ليه اولوية مطلقة ولو فى خروجة جامدة موت هيكون ليها أولوية مطلقة ولو فى عزومة عند حد من قرايبنا فيها ما لذ وطاب هيكون ليها أولوية مطلقة
كده يعنى

ايه اكتر حاجة بتحبها فى رمضان ؟
إن الشوارع بتبقى فاضية ساعة الفطار وانا دايما برجع من الشغل فى التوقيت ده فبعمل زمن قياسى فى الرجوع من الشغل للبيت

اجمل فطار ممكن تفطره؟
انا مسيحى إلا إنى غالبا بصوم رمضان برضه باستثناء كام سيجارة على كباية شاى وبفطر مع زمايلى فى الشغل كل يوم تقريبا

لو انت حاكم على مجموعة من الافراد حتكون عادل؟
ده بالتأكيد يعنى هى دى عايزة كلام
00 اللى بيبوظ الحكام ..نفسهم ولا الشعب ولا الحاشية المقربة؟؟00
ينبغى أن يخاف الحاكم من شعبه لا أن يخاف الشعب من حاكميه
لن أنسى هذه العبارة التى سمعتها فى فيلم
V for Vendetta
وإذا كان هناك الفساد والجهل والمرض والفقر فاسأل الشعب الذى ارتضى لنفسه حياة الذل والهوان
مين اكتر اعلامى مصرى بتحترمه؟؟
مفيد فوزى
لو ممكن تشتغل شغلانة تانية غير اللى انت بتشتغلها أو كنت بتشتغلها كنت تتمنى تبقى ايه ؟؟ 00
كان نفسى طول عمرى أكون مخرج سينما بس لما كبرت أدركت إنى لو عايز أشتغل مخرج يبقى لازم والدى يكون اسمه وحيد حامد أو والدتى تكون دلال عبد العزيز

ايه تانى بلد تتمنى تعيش فيها بعد مصر؟؟
عملوا احصائية فى سويسرا ووجدوا أن من بين كل 37 مواطن سويسرى فى واحد مليونير
وعملوا احصائية فى الأمارات ووجدوا أن من بين كل 56 مواطن إماراتى فى واحد مليونير
بس انا بقى اتمنى أعيش فى استراليا لأنها فعلا بلد الأمن والأمان ومعدل الجريمة فيها منخفض تماما

اوصف ليا ترتيبات اجمل فرح ممكن تحضره؟؟
ولا ترتيبات ولا حاجة
هحلق دقنى واضرب البدلة واروح على هناك

بتراعى كلام الناس والقيل والقال؟ لو اه او لو لا قولى ليه؟
طبعا ده بيتوقف على مدى ثقتى فى رأى ودماغ الشخص اللى بيتكلم مش أى ناس وخلاص

صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة
حتبقى سعيد؟
هتأقلم مع الوضع الجديد بس مش مهم مستوى التكنولوجيا المهم مستوى الأنسانية والآدمية فى الحياة نفسها


السعادة هى؟؟
السعادة هى النجاح
النجاح فى الدراسة، النجاح فى العمل، النجاح فى قصة حب، النجاح فى الحياة
هى دى السعادة الحقيقية

عندك امل ؟ اسبابك ؟
مين فينا يقدر يعيش من غير أمل وإذا كان فى حد كده يبقى ميت مش عايش
أما عن الأسباب فتقدروا تعرفوها لما تسمعوا أغنية الأمل لأنغام فى شريطها الجديد

لما تحب تهرب من كل شىء بتروح فين؟؟
بطلع على المقطم

امتى أول مرة اخدت فيها نفس طويل كده وقلت بينك وبين نفسك يااااااه انا فعلا كبرت ؟؟
لما ابتديت أفكر انى المفروض اكون أسرة وافتح بيت وابقى مسؤول عن زوجة وأطفال بس طبعا ده شكله مش هيحصل قريب خالص


لما بتعمل عمل خيرى بيكون ايه هو دافعك الاول؟؟
إن ربنا يقدر يستخدمنى عشان اساعد حد محتاج فعلا

بتشرب سجاير؟لو الاجابة اه ايه شعورك لو شفت ست بتشرب سجاير وليه؟
بشرب سجاير آه
وفيها ايه يعنى لما ست تشرب سجاير
هو احنا عايشين فى قبيلة قريش ولا إيه ؟


بتعرف ايدك اليمين من الشمال ازاى؟
منا شايل فى جيبى بوصلة على طول أعرف بيها الإتجاهات


ايه اكتر اله موسيقية بتحبها؟
الناى


فى رأيك ليه الذوق والنخوة اتعدموا؟
ومين قال انهم اتعدموا


ايه الحاجة اللى لو حصلتلك تبقى سعيد قوى؟
إن مصر يحصل فيها تنمية حقيقية زى اللى كانت أيام إسماعيل باشا


تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟
فلوس فى البنك عشان اقدر انتج أفلام سينما وأخرجها بنفسى


البحر ولا النيل؟
البحر


مركب ولا طيارة؟
طيارة


عاقل ولا مجنون؟
هذه يتوقف على رؤية الآخرين لى لا على رؤيتى لنفسى
ولكن انا اقف امام المرآة حائرا هل انا عاقل أم مجنون


تقرا كتاب ولا تتفرج على فيلم؟
اتفرج على فيلم

19 comments:

على باب الله said...

بجد أنا مش مصدق

المدونة دي كأني أنا اللي بكتب فيها

وجهات النظر متقاربة بشكل مخيف

أنا كمان بحب الخديوي إسماعيل , برغم كل العك اللي بيتقال في حقه

و أنا كمان كنت ها أموت أبقي مخرج

من و أنا طفل صغير .. لا التمثيل بيستهويني و لا التصوير .. و لا الكلام ده

هو علطول .. مخرج سينمائي خبط لزق

و أنا كمان ما بطيقش الإخوان ( ذوات ( الألف وجه

بجد أنا سعيد أني لقيت مدونتك

و يا ريت تشرفني في مدونة العبد لله
و تقرا الموضوع ده

http://al-karma.blogspot.com/2007/08/blog-post_17.html

Egypt Rose said...

ازيك
انت اللى بتقول اللى فات مات و عايز تعيش في زمن الخديوي اسماعيل !!!..هههههه

على العموم احمد فاروق .. ولي عهد مصر لسة عايش وربنا يطول في عمره ويا عالم يمكن يرجع احسن ما لو هى توريث يبقي الوريث الشرعي احسن ولا ايه ؟؟؟ لم تكن الملكية ابداً وبال على مصر بل العكس تماماً .. الناس دى كانت بتحب مصر واهل مصر وبتخدم البلد لانها بتعتهم مش بينهبوها

انا كنت احب اعيش في عصر الفراعنة لما الست كانت محترمة ولم تكن لا قبل ذلك ولا بعد ذلك ومحدش اعترف بيها كانسانة غيرهم...

كده يا وحش مبتحبش النيل زعلتني منك وهو لما نتقابل هنقعد فين .. على فكرة انا بغوص في البحر وانا كنت مساعد مدرب غوص والبحر هو مصدر سعادة بالنسبة لى واللى عايز يشوفني على حقيقتي يشفني تحت المياه .. بس لما نقارن البحر بالنيل طبعاً النيل .. النيل ذلك الرمز الذي لا يكل ولا يمل من نكران اهله له .. يتحرك بلا كلل ولا ملل .. البحر بيمتعني بس النيل بيرويني

Yahia said...

اجمل حاجة في حكاية التاج ده انه بيخلي الواحد يوصف نفسه واتجاهات بشكل واضح.

تحياتي

Yasser Hussein said...

هو اسماعيل باشا .. غير الخديوي اسماعيل
ولا تشابه أسماء
:)
عجبني ردك على حكاية انك تبقى مخرج سينما .. لازم تبقى ابن مؤلف أو منتج أو ممثل شهير .. هو ده الوسط السينمائي ..مش في مصر فقط .. في العالم كله
مايكل دجلاس ابن كيرك دوجلاس
جين فوندا بنت هنري فوندا
ابهيشيك باتشان إبن أميتاب باتشان ..في الهند
وغيرهم

خالص تحياتي

Unknown said...

ميراج الكبير ايه يا عم ده كله بس كويس انك هنا ولا كانو خدوك في حفر قناة السويس و روحت فيها يا ابني و
احنا محتاجنلك

Loving Anabel said...

العزيز ميراج باشا
ايه يابني كمية المعلومات دي لولا انك مسيحس كنت قلت ان اسماعيل باشا كان قريبك و لولا انه مات كنت قلت دافعلك قرشين ههههه بجد انا بأيد رأيك جدا جدا جدا من هنا للصبح و ياريت كان فيه اسماعيل باشا فالوقت المهبب دة احم احم يادي النيلة هتودينا فداهية

Anonymous said...

ازيك ياميراج ايه اخبارك ان شاء الله تكون بخير يارب ورمضان كريم عليك وعلينا يا سيدي بس اجابتك هنا واقعية قوي وصريحة لحد ما تحياتي ليك

Ehab said...

ايه يا واد الكلام الكبير ده كله ده انت طلعت ذو تفكير وناصح عموما اتمنى تكون اجابتك عن موضوع التأقلم دي حقيقيه لأني بفكر فعلا اخرب كل التكنولوجيا اللي في الكون وارجعها كلها بنظام الحمام الزاجل
حلو التاج كله واجاباتك فكرتني بميراج العاقل بتاع زمان
عموما سلاااااااااااااااااااام

Ahmed Al-Sabbagh said...

مع حبى وتقديرى لمصر ولكل المصريين اللى انا منهم
مصر عمرها ما اختارت رئيس
وبالتالى موضوع التنمية الحقيقة دى ما اعتقدش انها حصلت فى العصر الحديث خالص
الخديوى اسماعيل ده مش بتاع الاستدانة
اللى خلى الديانة يقفولنا على الباب يطالبو بفلوسهم
الجزار البقال والحلاق كمان

يبقى ازاى نهضة وتنمية
ياجماعة انا لاحظت حاجة وحشة اوى
ان المصريين طيلة عشر تلاف سنة ما اختاروش حاكم واحد اهئ اهئ
يعنى احنا هنموت من غير ما نختار رئيس عاااااااااااا

طيب يارب نتجوز طيب او نلبس دبل قبل ما نموت على الاقل نبقى عملنا حاجة فى نفسنا
ولا دى كمان مش هنعملها
اهئ اهئ
غيرو سيرة السياسة بقى واتكلمو فى حاجة هايفة
عاااااااا
تحياتى

Mirage said...

على باب الله
يخلق من الشبه اربعين
انا مبسوط إنى لقيت حد افكاره قريبة منى قوى كده
اهلا بيك دايما


egypt rose
انا اخترت البحر لأنه دايما بيبقى مصدر مرح وسعادة ونسيان كل متاعب الحياة وهمومها
وبيحس الواحد فيه بصفاء زهن ونقاء قلب غير عادى
وإذا كان على لقاءنا ياسيدتى فاسمحيلى ان يكون على اجمل شاطىء فى جزر ابحر الكاريبى



yehia
وانت بتجاوب بتلاقى نفسك بتعرف حاجات جديدة جواك وبتجاوب على اسئلة عمرك ماسألتها لنفسك


ياسر حسين
ده حقيقى طبعا لأن كل حاجة دلوقتى بقت بالوراثة
مفيش حاجة بالكفاءه أبدا


emy
ميرسى قوى على التاج ده لأنه خلانى اقول كلام كنت محتاج أقوله فعلا
انتى قولتيلى ميراج الكبير
بشكرك على هذا اللقب
بس متنسيش ان الكبير كبير يامحمد يامنير


loving anabel
انا بقول كلمة حق لازم كل الناس تعرفها ومش لازم كل حاجة تكون ماشية بقرشين او بصلة قرابة
لسه فى ناس تعرف تقول الحقيقة بعيدا عن أى محاباة او كوسة
وتأييدك لرأيى ده معناه ان انتى برضه من الناس دى
أهلا بيكى دايما فى مدونتى


قلوب حائرة
رمضان كريم علينا وعليكوا وانا عموما مش بعرف اقول غير الواقع والصراحة
مش فى البوست ده وبس
ولكن فى كل كلامى
ميرسى لزيارتك انتى كنتى غايبة فين من زمان ؟


الشنكوتى الكبير
حمدالله على السلامة أولا
وثانيا
مالها بس التكنولوجيا مزعلاك فى إيه ؟


Ahmed Elsabbagh
انا مش فاهم إيه موضوع الاستدانة ده
بس عموما انا مش شايف أى غلط فيه مدام الحلاق والجزار اللى انت بتقول عليهم دول ليهم حق وفلوس عند العميل بتاعهم
يبقى من حقهم انهم يطلبوا بفلوسهم ولا ايه ؟
ثم ان حاجة بسيطة زى دى تيجى ايه فى بحر الإنجازات الخالدة اللى هو عملها وفى الزمن القصير اللى حكم فيه مصر
تقدر تقوللى ايه الجديد اللى حصر فى مصر فى خلال الخمسة وعشرين سنة اللى فاتوا ؟

ناردين said...

استمتعت بمتابعتي لردودك .. حسيت اني قدام شخص بياكل باستمتاع وبمزاج متسألنيش ايه العلاقة
وارخم عليك بقى
المقطم المقطم ؟ ولا مكان معين جميل وواسع ومريح نفسياً ف المقطم؟ :)

Anonymous said...

اجاباتك منطقيه واحلى ما فيها حصه التاريخ بتاعت الخديوى اسماعيل رجعتنى لاعدادى بسم الله ماشاء الله معلوماتك التاريخيه حاضره

Carol said...

رغم إنني مش بحب التاج
بس فضولي لمعرفة الأشخاص تجعلني أتطلع على إجاباتك
فهي كلها منطقيه مطعمة بالأحلام

micheal said...

ردودك بسيطه و جميله يا عم ميراج بس كالعاده حختلف معاك و اقولك متنساش نقطه هامه في تاريخ الخديوي اسماعيل و هي توريط البلاد في الديون و كفايه أنه كان السبب في دخول الاجانب الي مصر اللي تحول فيما بعد لاستعمار بغيض جثم علي قلوبنا طيله 75 عاما
تحياتي لك و كل أكتوبر و أنت طيب

He and She said...

I like all your answers mirage. it reflects how a big person you are

littel angel (2alb el 2ased) said...

it seem from the way u answer the questions that u r ... well educated...funny...and open minded....a nice blog ... and thanx for visiting my blog.

Anonymous said...

mirage mirage mirage,
you can't stop your racist remarks can you?!
you admire mofid fawzy who no one likes but you do because of relegious reasons and not objective ones.
you make a negative remark about Kabilat (tribe)Quraish!!
what is Quraish has to do with smoking Quraish is not a tribe it's a region.
and after all you call others racist even though most of your admiring readers are from (Qabilat!) Quraish.
what happen to the love you so proudly talk about in your new testement, or you like the old testement of hate much more.
please do not take it personal i'm just trying to get your attention to small things that are not helpfull to our society and require some carefull thoughts.

Mirage said...

نارديــــــن
لا انا مش هسألك إيه العلاقة
بس إيه حكاية المكان الواسع اللى فى المقطم ده
انتى تقصدى لما ننزل لتحت خالص فى آخر درجة حيث الظلام الدامس والهواء الطلق والفراغ اللانهائى ؟
انا بحب اعد فى الحتة دى دايما على فكرة
:)


رئيس جمهوريه نفسى
انا مانستش حصة الخديوى إسماعيل دى من ساعة ماخدتها زمان لغاية دلوقتى
من كتر منا كنت معحب بيه
وأهلا بيك فى أول زيارة لمدونتى
يارب دايما


Carol
انا كمان والله مش بحب التاج برضه وقايل كده فى أول البوست بس الأسئلة هى اللى شجعتنى أجاوب
وعشان كده لم امرره لأى حد
اما عن الأحلام بقى
هو احنا لينا حاجة غيرها فى البلد دى ؟


micheal
ده صحيح يامان إن فعلا مديونية مصر زادت قوى فى الفترة بتاعته
بس خلى بالك من حاجة مهمة جدا
ان مديونية مصر زادت بس كان قدامها انجازات مهمة جدا وفى وقت قصير قوى
ودلوقتى اللى حاصل إن مديونية مصر بتزيد برضه بس قدامها مفيش أى حاجة ملموسة نهائى
مش كده ولا إيه ؟
يعنى عندك مثلا المنحة بتاعة أمريكا دى بتخش كلها فى جيوب المسؤولين وهلما جرا على بقية موارد البلد المادية
زمان مصر ماكانش عندها موارد عشان كده الخديوى كان مضطر يستلف عشان يبنى البلد
دلوقتى مصر فيها موارد بالعبيط ومش بيعملوا بيها حاجة فى البلد وكمان بيستلفوا زى زمان وأكتر وبرضه كل ده مش بيتعمل بيه أى حاجة
إيه رأيك بقى ؟


He & She
Thank you man,
I really appreciate your point of view about me,
And I'm preparing a story of that type you like :)
bas 3al 3eed ba2a ensha2allah
Kol sana wenta tayeb


littel angel
Thanks for visiting my blog too and you seem like a very open minded personality with no complicated brain.
welcome


mahmood
I'm gonna reply of each paragraph or your comment

First
mirage mirage mirage,

you can't stop your racist remarks can you?!

where are my racist remarks ?
are they the following ?
Ok, let me handle it.

you admire mofid fawzy who no one likes but you do because of relegious reasons and not objective ones

You cant say that mofid fawzy no one likes it.
you cant talk in the absoulte mood man.
if mofid fawzy no ones like it.
Than, he wouldnt have a successful T.V. show on the first channel of the Egyptian Television for more than 15 years long till this moment.
and maybe more i dont remember when he had begun.
If no one likes mofeed fawzy.
he wouldnt write a weekly article in akhbar el youm which i buy it specially on saturday to read his words.
If no one like mofeed fawzy.
He wouldnt have a successful program on negoom f.m. in ramadan which is the media star month.

would you please revise your statemnt about mofeed fawzy who no one like him.
I didnt choose him coz he's christian. no at all.
i choosed him because he's very bold and had taken the truth and honesty side since years.
He's a very very effective personality.


I took a Quraish as an example coz it's where women has no role but sleeping with their husbands and bring children.
not because any racist reasons really.
but because it's what's common in that age.

I'm not taking any of your words personal.
No At all.
this is a mind free zone and you can say whatever you want.
and about my love.
well, a love from one side doesnt live so long.
That's It

قنوات عربية said...



قناة عشتار بث مباشر
قناة عشتار فضائية مسيحية عراقية مستقلة وتُعنى بشؤون العراق عموماً وشؤون الشعب الكلداني و السرياني و الآشوري بشكل خاص وتخاطب المشاهد بثلاث لغات السريانية والعربية والكردية.