Wednesday, November 21, 2007

شعب مصر


ثبت بالدليل القاطع وبكل حياد دون أى محاباة أو مجاملة إن أغلبية الشعب المصرى تفتقد للمبادىء الأساسية للحوار وظهر ذلك جليا واضحا فى البوست الأخير حريق سيتى ستارز من خلال التعليقات التى انهالت على البوست وكان محتواها الأساسى شتائم بألفاظ خارجة وفرض للأراء بعنف ومشاعر كراهية غريبة لا أعرف من اين جاءوا بها

عندما قرأتها غلبتى مشاعر الغضب وقمت بحذفها تماما ولكنى ندمت بعد ذلك لتسطيعوا مراجعتها وتصبح الدليل القاطع على ما أقول

لا أعرف حقا لماذا ننكر جهلنا وتخلفنا وفسادنا وفقرنا العقلى والمادى دائما رغم ظهوره كالشمس فى كل مناسبة وفى كل حدث

فمن ينسى صفر المونديال وغرق العبارة وفشل مشروع توشكى وتربع أحمد عز على عرش رجال الأعمال فى غضون شهور قليلة ونسبة الأمية التى تقترب من النصف وختان الإناث والزواج المبكر لهن ولا نغفل ايضا افلام المخابرات المصرية التى تصور رجال الموساد كأطفال سازجة تلعب فى فضلاتها رغم معرفتنا إن عدد اليهود فى العالم لا يتجاوز السبعة مليون ورغم ذلك يسيطرون على مجرى الأمور فى الكون بأسره وعدد المصريين وحدهم عشرة أضعافهم ولا يستطيعوا حتى الآن السيطرة على انفلونزا الطيور !!!!ـ

شىء يستحق التأمل والتفكير حقا

أرجوا أن نتوقف عن المناداة بالديمقراطية وحرية الرأى لأننا شعب ليس مؤهل لها فى الوقت الحالى نهائيا وذلك بمنتهى البساطة لأن الديمقراطية تأتى كمرحلة أخيرة بعد أن تطعم الأفواه وتكتسى الأبدان وتكتشف العقول المتعفنة القدرة على التعبير عن رأيها والمعرفة والثقافة المطلوبة لذلك الغرض

كفى التحدث عن شوية الحجارة التى نسميها حضارة
والنظر للحاضر الذى لا يعنى غير إن العبارة فى الشكارة

لا أستطيع أن أنهى كلامى دون أن أشكر مايكل الذى يتمتع باخلاق دسمة ويمتلك أدوات الحوار المتحضر كذلك إيمى التى دائما ما تضمد جراح مدونتى بمشاعرها الرقيقة وهدوئها وقياسها للأمور بعقل ومنطق وشهروزة بأفكارها المتميزة وتحليلها الموضوعى لكل كبيرة وصغيرة وكل من عبر عن رأيه بإحترام مثل
cerebellum14
إحساس لسه حى
Innocent
أم كريم
مصطفى محمود
على باب الله

17 comments:

micheal said...

يا عم...الله يكرمك..ايه الكلام الجامد ده بس
:)
أنا معاك المره دي مليون في الميه بأننا المفروض نبطل الكلام عن الماضي و امجاده و نركز في الحاضر بس بالنسبه لنقطه الديموقراطيه فكل اللي اقدر أقوله لك اقرأ البوست ده في مدونتي لاني حطيت فيه عصاره افكاري عن الاصلاح و المفروض نعمل ايه
http://strugglingmichealitoo.blogspot.com/2007/04/3.html
و ده بقي بوست تاني كامل عمن الاصلاح من النظام
http://strugglingmichealitoo.blogspot.com/2007/04/4.html
بس أرجع و أقولك بلاش وصف الشعب بنقطه الغباء دي من فضلك
:)
تحياتي

nael eltoukhy said...

ثبت بالدليل القاطع وبكل حياد دون أى محاباة أو مجاملة إن أغلبية الشعب المصرى تفتقد للمبادىء الأساسية للحوار وظهر ذلك جليا واضحا فى البوست الأخير حريق سيتى ستارز من خلال التعليقات

.............


مفهمتش.. تقصد أن أغلبية الشعب المصري علقت على بوست حريق سيتي ستارز؟

Egyptiana Trapped Soul said...

اوافق نائل على رأيه
مشكلتك يا عزيزى ميراج التعميم
لا تقع فى هذا الخطأ

لان لو فعلا احنا زى ما بتقول... يبقى جميعنا لا نعرف الحوار واعتقد ان من خلال البلوج او حتى حياتك العمليه تعرفت على ناس يمكنهم اداره حوار جاد يحترم الرأى والرأى الاخر

انا لا احاول ان اكون مثاليه لانى ارى تلك الامثله كل يوم... ولكن احاول ان اكون موضوعيه فى احكامى

تقبل اسفى على الموقف السخيف الذى تعرضت له... واتمنى ان تكتب المزيد بموضوعيه اكثر ... حتى لا تكون انت نفسك مثال على التشبث بالرأى وعدم النظر الى اراء الاخرين

تحياتى

Anonymous said...

أرجو أن نتوقف عن المناداة بالديمقراطية وحرية الرأى لأننا شعب ليس مؤهل لها فى الوقت الحالى نهائيا وذلك بمنتهى البساطة لأن الديمقراطية تأتى كمرحلة أخيرة بعد أن تطعم الأفواه وتكتسى الأبدان وتكتشف العقول المتعفنة القدرة على التعبير عن رأيها والمعرفة والثقافة المطلوبة لذلك الغرض

كفى التحدث عن شوية الحجارة التى نسميها حضارة
والنظر للحاضر الذى لا يعنى غير إن العبارة فى الشكارة

==========
موافقة وأبصم عليهم بالعشرة

دة أولا


ثانيا

أتفق مع رأى نائل و مس اجيبتيانا
التعميم خطر داهم

لكن فى نفس الوقت أتفهم غضبك لأنى بالطبع قريت كمية الشتائم والاهانات فى البوست اللى فات
فقلت كان الله فى عونك وقتها

فى رأيي المتواضع أنك كنت تمهلت قليلا قبل ما تكتب البوست دة حتى تتراجع حدة غضبك وتتناسى الاهانات قليلا
ولكى تستطيع ترتيب أفكارك وسياقها سياق موضوعى

لكن حصل خير
جل من لا يسهوو
...........

على فكرة
أنا وشى إحمر جدااااا من الكلمتين الجامدين اللى قلتهم عنى فى بوست بحـــاله
دعاية بمليون جنية
مشكرين يا عم

تحياتى
وكبر دماغك
الشتيمة مش بتلزق يعنى
ابقا تعالى خد كورس تناحة منى بعد الشتيمة اللى حصلت لى فى مدونتى

نيااهااهاااا

Anonymous said...

و الله يا سيد
من اسلوبك الهجومى على الشعب المصرى
و شوية الجلاليب اللى انت حاططها فوق دى
واضح جداً انك مش طايقه ولا طايق مصر نفسها

و بمراجعة البلوج كله
ثبت بالدليل القاطع و بكل حياد
دون أى محاباة او مجاملة
إن معظم كلامك عن الأخت اللى أدمنتها
و العلاقة الساخنة اللى بينك و بين الأخت التانية
و المزز اللى فى الملاهى الليلية
و شوية كلام تانى قال يعنى الأخ من المهتمين بالسياسة و كده

شوف يا بنى
من الأخر و بدون كلام مالهوش معنى
ماتغلطش فى حد
علشان انت فيك حاجات كتير تخلى اى حد يغلط فيك
صلح نفسك الأول
و نضف حياتك اللى رحيتها كمكمت دى
ياما تخليك فى اللى انت فيه
و تقعد ساكت
إجمالاً البلوج غير مفيد بالمرة
ومش أكتر من دفتر مذكرات نوعاً ما
و شوية نقد من اللى الناس بتقوله على القهاوى
يعنى انت مافرئتش حاجة عن الشعب المصرى اللى انت مش طايقه ده

Unknown said...

الاول التعليقات دي كان لازم تتمسح لأن ده عيب ماكنش حد داخل ينقد البوست او مش عجبه كلامك ده سب مالوش اي داعي

ليه مش بنعترف بسلبياتنا ليه مانتقولش نحن لا نجيد التعامل مع الازمات
و بدل ما نلعن الازمه و نقول غضب ربنا حل علينا نشوف ماتكررش تاني ازي نصلح غلطنا

تحياتي ليك يا ميراج الاختلاف مايكونش بالسب و قلة الادب في نقاش

نقطة مية said...

المشكلة ان شعبنا بيفتكر ان كل ما بعدنا عن المبادىء و القيم وحتى ابسط اساليب الحوار الحضاري هنتحضر..حالة البلادة و عدم اعمال العقل اللي الناس عايشاها هم خلقوها بينهم و بيصدقوها و يعيشوها و متمسكين بيها..
البوست لامس و بالدليل القاطع نقظة مهمة اوي
تحياتي

Mirage said...

michael
هقراهم وهقوللك رأيى
إدينى شوية وقت بس


nael
لأ ياباشا
بس المسألة مسألة نسبة وتناسب
يعنى لما يكون تلات تربع اللى علقوا على البوست طلعوا ميتين أهلى بسبب ومن غير
يبقى فى مشكلة طبعا
بمعنى إنك لو كتبت نفس البوست ده فى أى دولة متحضرة
اللى هييجى يعلق عندك
هيناقشك مش هيطلع دين امك زى ماحصل معايا
هى دى الفكرة
نسبة وتناسب


miss egyptianna
ماهو إنتى بتبصيلها من النقطة دى لأنك بتبصيلها من جوا الدايرة اللى انتى عايشة جواها
بس لو طلعتى برة الدايرة هتلاقى ناس متخلفين كتير
وهما دول اللى فعلا بيكونوا أغلبية الشعب المصرى

Mirage said...

شهروزة
لاشكر على واجب يافندم
إنتى تستاهلى دعاية أكتر من كده بكتير
ولو معايا فلوس كنت عملتهالك على القناة الأولى قبل المسلسل العربى على طول
:)
واقرى ردى على ميس إيجيبتيانا ونائل عشان تفهمينى أكتر


linverno
طيب


emy
بقى انتى بتقولى بقى المسيحيين واخدين حقوقهم
والله انتى ماعارفة حاجة
هبقى اشرحلك فى بوست بحاله


نقطة مية
وأى بلادة
ده احنا وصلنا لكسل وتخلف مفيش حد وصلله قبل كده
ربنا يستر علينا

nouwara said...

new blog :)

blackcairorose said...

أعتقد إن من هاجمك فى موضوع سيتى ستار لم يهاجم كيف تناولت الموضوع ولكنه من وجهة نظرى يعترض على مجمل أراءك فى المدونة وفى التعليقات وما تمثله هذه الأراء

يمكن لو غيرك كتب نفس موضوع سيتى ستار وبنفس الأسلوب ما كان الآخرون سيهاجمونه كما هاجموك

يعنى مجرد راى

أما بخصوص افتقادنا للغة الحوار فهذا أكيد

وأبرز مظاهر المرض / الجه / التخلف هو أنك تنكر بشدة انك مريض أو جاهل أو متخلف

بالنسبة للصورة

أنا أراها جميلة جدا وتعبر عن المصريين كما هم أو بالادق تعبر عن كثير من المصريين كما هم بهيئتهم الأصلية ، جزء من الشعب كما أن من يرتدى جينز وتى شيرت أو بدلة هم أيضا جزء من الشعب

The Alien said...

أنا معرفتش أكتب حاجة ف البوست اللي فات
أصل كل اللي كنت عايز أقوله مينفعش يتقال
فقلت أسيبك تتشتم لوحدك وخليني أنا بعيد
نداله بقي يازميلي

تحياتي

على باب الله said...

أشكرك علي المجاملة الرقيقة

و أقدر مشاعرك الآن و أعرف حالة اليأس دي كويس

--

لكن برضه أكيد في أمل

أكيد في أمل في إنصلاح الحال

Mirage said...

nouwara

Congratulations for your new blog
but why you dont make it the same theme of the old one
pink is better than green


blackcairorose
انا بشكرك والله على تحليلك الجميل ده لكل جزء فى البوست
واضح إنك قريتيه بإهتمام
بس إنتى كلامك صح بالنسبة لموضوع إنكار الجهل والتخلف ده
عارفة إحنا لو إعترفنا بيه وابتدينا نعالجه هيكون حالنا اصلح بكتير


The Alien
والله انا كنت مستنيك انت بالذات تقف معايا
زى ماوقفت معاك مع فى بوست الحجاب
ولو كنت ناسى أفكرك
بس هعمل إيه بقى فى اللى مبيتمرش فيه التدوين والتعليق


على باب الله
والله ياباشا طول محنا عايشين فى الجهل والفقر والفساد عمر ماهيبقى فيه أمل
ولو بعد مليون سنة

Fantasia said...

aw7ash 7aga f eldonya hya elgahl lama yagtame3 ma3a el3'aba2.. elnas elli shatmook ya mirage kano bysaketo soot 3a2lohom elli enta 7awelt tesa7eeh lama etkalemt 3an asbab mawdoo3yah lelkawares w el7awades. homa fakreen lama yeshtemo w ye2elo 2adabhom yeb2o rado 3aleek, laken f el7a2ee2a homa kano byrodo 3ala nafsohom.. w dah lazem y7'aleek sa3eed.. aywa mesh b hazar. lazem tkoon sa3eed lama tetshetem, 7'osoosan enak ma2oltesh 7aga 7'arga aw gara7t sho3oor 7ad. lazem hena tefakar elli shatamak dah shatamak leeh.
ana kont zayak kedda, bz3al awi lama 7ad y2olly kalam 7aqeer kta3lee2 3ala kalamy elli ana shayfah mo7taram w manteqy w kaman byahdef lelsale7 el3am.
laken ektashaft en elkalam dah mesh mowagah lya aslan, ana mogarad kobry. elnas di bterta7 lama te7es enha za3a2et w safelet w tasadet bkool taqetha fi 2let el2adab l wa7ed byfakar. b elnesba leehom enta elli shatamtohom el2awel. 3alashan kalamak 7aseshom b elda3f w elgahl. ya3ni lama ted7ak 3ala elragel elli 2lak en el7aree2a di 3eqab mn rabenna, ma3naha enak btetarya2 3aleehom homma kaman, 3alashan homma kaman ra2yohom kedda. gebtelhom sadma 3asabya lama zawedt kaman f elkalam w sa2alt leeh rabenna mesh by3aqeb elnas elli bte3mel masayeb 3eeny 3enak, 7ata 3alashan yeb2o 3ebra. kedda enta edeet lkol wa7ed feehom 2alam 3ala weshoh. homa ba2a radoolak el2ehana di b elsheteema. teb2a 7'alseen.
laken.. mesh ay wa7ed y7'aleehom ye3melo kedda. enta lamast gowahom 7aga tala3et el3onf dah. elnas di 3erfet enak sa7 ya mirage. w elli 3amalooh dah defa3 mashroo3 3an elnafs. elnas di mtesta7e2esh tetlam. enma elgahl, alla ye7'reb beet elgahl. kalamak hadded manzooma motakamla mn el2afkar w elmo3taqdat w elqeyam elli homa mo2mneen beeha w 3aysheen 3aleeha. w di kolaha mosalamat la yomken elmasas beeha, l2enha b taktaseb kodseyyah 3and elli mo2meneen beeha. lazem rad elfe3l ykoon kedda. dol bashar, feehom da3f fazee3. my3'orakshy showayet elsoot el3ali w 2let el2adab.. da kolo 3alashan y3'ato 3ala da3fohom w 2let el7eela. wasa2el defa3ya 3alashan tawazonhom elnafsy m ye7'talesh.
di hya eldareeba elli lazem ay wa7ed ykoon mosta3ed enoh yedfa3ha talama qarar ennoh yewsal afkaro lelnas. w ana 2odamak ahoh, zy elfol. ygeeli elta3lee2 mn dol aboso w 2a7oto ganb el7eet. maho rad elfe3l ne3ma, 7ata law salby.
ashkorak 3ala na2l elpost el2a7'eer. w dah kaman yesbetlak en elnas 2aseera lmo3taqdat el3'eer. 3abd elmen3em da 2aloloh f elgama3ah elkelmeteen dol, w fahemooh en howa ba2a mn forsan eltadween elli mohemthom 2aslamet eltadween. lama sa2alooh f elTV 2al nafs elkalam. di nazaryet el2e7'wan, mesh nateega weselha ba3d tafkeer w ta7leel. yeb2a sa7bak yez3al menha leeh? w ba3deen howa 3abd elmen3em dah ye3raf ya3ni eih 3almanyah aslan?
yalla.. tawelt 3aleek ma3lesh. t7yaty w ya reet ykoon elza3al ra7. 7'ally 2albak kbeer zy 3a2lak.

MiDz said...

ميراج انت مسحت كلامي عن حريق سيتي ستارز,و انا مشتمتش,,انا بس ايدت اللي شتمك و ده غلط مني اعتذر عليه,و يمكن اكون شتمت .
انا اعترضت على كلامك بخصوص ان ربنا مش معقول يعني يكون بيتدخل في كل حاجه و السبب في كل حاجه..لا بقى ربنا ممشي الليله كلها بس مش شرط نبقى عارفين الحكمه من اللي بيحصل دلوقتي..ده واقع متهيالي ميختلفش عليه حد ايا كانت ديانته السماويه....
فانتازيا بقى شايف ان الشتيمه دي ضعف و عملتلنا تحليل نفسي اخر حلاوه خلاني كنت هعيط:)..لما الموضوع يبقى فيه ان الشعب غبي يبقى لازم الرد يبقى برضه غبي..من غير كتر فلسفه و تحليلات من نوعية:
homa fakreen lama yeshtemo w ye2elo 2adabhom yeb2o rado 3aleek, laken f el7a2ee2a homa kano byrodo 3ala nafsohom.. w dah lazem y7'aleek sa3eed.. aywa mesh b hazar. lazem tkoon sa3eed lama tetshetem
لأ يا ميراج ارجوك متبقاش سعيد لما تتشتم عشان ده مش منطقي:))بدل ما تبقى سعيد فكر انت اتشتمت ليه!!!
فانتازيا ياريت تكون خريج طب نفسي و الا ياريت متتكلمش كتير في الوسائل الدفاعيه والتوازن النفسي عشان فرويد نفسه مكنش هيقول اللي انت قلته ده.محدش بيبني استنتاجات من لا شيء
و اخيرا..شعب مصر غلبان مش جاهل و ده مش بمزاجه..الجهل من وجهة نظري هو انك تسد ودانك عن الراي المعارض ليك..و اتفق مع نائل و مس ايجيبتا في انك غلطت في التعميم.و فكر قبل ما تغلط في حد..و سؤال للكل: اللي بيقول ان ربنا مبيتدخلش في كل حاجه يبقى نقول عنه ايه؟؟؟!!!!...

ahmed deraz said...

خدمات الشارقة – ابو الهول
اعمال بلاستر الشارقة
اعمال ترميم الشارقة