Thursday, August 30, 2007

صرخة سينمائية

انتظر مرور شهر رمضان بفارغ الصبر

ليأتى العيد وتفرج قاعات العرض عن قنبلة يوسف شاهين القادمة

أول صرخة سينمائية ضد القهر والظلم والفساد والطغيان

الفيلم الذى يفضح الداخلية وزبانية تعذيب المواطنين الأبرياء

الفيلم الذى يعيد إلى ذاكرتنا اعمال خالدة كالكرنك واحنا بتوع الأتوبيس


أدعو شعب مصر كله لمشاهدة الفيلم


ربما يصحو من حالة العته والبلاهة التى أصابته من محمد سعد ورفاقه


18 comments:

Doba said...

هو واضح انه هيبقى فيلم قوى جدا
انا مستنياه بصراحة

يوسف شاهين وخالد يوسف جامدين جدا - بالاضافة لباقى ممثليين الفيلم وخاصة المبدع خالد صالح

اما القصة فطبعا حدث ولا حرج وبرده مش هتوصف كل السوء برضه اللى فى المجتمع كالعادة ولكن اهى بدل مالواحد يطق - ثم مالها افلام الصيف دى كميلة - بنزود بيها نسبة التخلف فى عقولنا - عادى يعنى

هييييييييييييه انا اول كومنت - مليش دعوة انا عاوزة تعزمنى على نيسكافيه وآيس كريم الاتني مع بعض ومتسألنيش ازاى بدل معيطلكو هنا

حاول ترتب مع شاه وممكن فعلا تاخد فصل من الفصول هما المفروض هيبقوا 15 فصل

مقولتليش عجبتك ولا لا؟؟

تحياتى يا متمرد دايما
هبة

Egyptiana Trapped Soul said...

كالعادة يبدع يوسف شاهين بعد طول غياب

i cant wait to watch the movie

micheal said...

و أنا كمان منتظره بفارغ الصبر..ما تيجي ندخله سول
:)
تحياتي

Coca said...

مش فيلم هو الي ممكن يفوق الشعب و الله انا مش عارفه الشعب هايفوق امتي
المواطن بياكل القلم علي قفاه و عادي لا حاجه حصلت و مافيش حد بيفكر يشتكي حتي

micheal said...

معلش يا ميراج..أصل في سؤال بيلح عليا بعد ما شفت تعليق لك بالصدفه عند نواره صاحبه جبهه التهييس الشعبيه
هي ليه القباحه من وجهه نظرك جزء من اللغه العربيه؟؟

غمض عينيك said...

مستنينه بفارغ الصبر

Unknown said...

تفتكر ممكن نفوق من الى احنا فية
يمكن

Coca said...

وانا كمان مستنيه الفيلم دا اوووي
بس ايه رايك في افلام يوسف شاهين عامه

kimo said...

انا شفت الاعلان بتاع الفيلم و اتوقع انه يكون جامد جدا و على فكرة انا عندى مصدر الهام بس من بعيد لبعيد يعنى الخيال له دور كبيييييييييير فى الموضوع

The Alien said...

هي فوضي
شكله فيلم الوداع ليوسف شاهين
شكله بيقول إنها بقت فوضي ومفيش فايدة

الفيلم داخل مهرجان فينسيا
والكلام عليه قوي جدا

أنا مستني الفيلم دا من أول الصيف
نفسي أدخل سينما السنادي
بس ياريت لما أدخل الفيلم ملاقيش حد قاعد جنبي من أبو: مبفهمش أفلام يوسف شاهين!

تحياتي

Ehab said...

ماشي يا باشا
انا ممكن اعزمك على الفيلم بس بشرط تنفذ وعدك وتعزمني عند ابو شقره يا روش ماشي يا جميل
عموما انا بثق في ارائك في الأفلام وهاستنى الفيلم بجد جايز يقول حاجه تخرج اللي جوه الناس
على فكره انا بموت من الخنقه والغضب والرعب لما بشوف فيام الكرنك
سلااااااااااااااااام

كراكيب نـهـى مـحمود said...

طيب هانت بقى

أحمد said...

أسوأفيلم ممكن تشوفه هو فيلم نفسك تشوفه و بتسمع عليه من زمان بس لما تشوفه تتصدم من مستواه...ياريت ميبقاش كده...كفايه علينا محمد سعد و عندليب الدقي في سنه واحدة...دا كتير قوي.....

Anonymous said...

هنروح الفيلم ونتفرج ونلعلن سلفييل أم النظام والقهر والي بيعملوه في البلد...

وبعد الفيلم ..نطلع على جاد...
إديها سندوتشات شاورما وكبده اسكندراني..وحاجة ساقعة كانز

وبعد كده نطلع على العبد ناخد آيس كريم...ونحبس بشاي وشيشة ع البورصة...وبعدها نروح ننام ...زي الخرفان...!!!

يا فرحة أمك بيك ...منك -له!!!

احساس لسه حى said...

عزيزى
تعليقك ده باين انك لتاع شعارات مش مبادئ
العلامة بتاعت متحدين ضد احالة المدنيين للمحاكمة العسكرية دى

عاملة زى علامة الحلاوة الطحينية بتاعة الرشيدى الميزان

ههههههههههههههههههههههههههههه

انتوا مش بتعملوا اجتماعات وعايزين تاخدوا البلد

بتعيطوا ليه دلوقتى بقى

ماكنتوا خليكوا فى حالكوا احسن

تعليق تركتة لبنت عصام العريان
سلام

أشرف حمدي said...

اتفق معك
يبو أن الفيلم سيكون قبلة بكل المقاييس
تحياتي

kafrawy said...

يدينا

ويديلك

طولة العمر

Anonymous said...

انا متاكده ان الفيلم
هيكون رائع
هو يوسف شاهين
بيعمل حاجه وحشه
سلام