Wednesday, July 25, 2007

شوية فن


شاهدت بالأمس فيلم الشبح وقلت تتفرجوا معايا
الفيلم يقدم فكرة مستهلكة قديمة تناولتها كثير من الاعمال الفنية من قبل مصرية كانت او اجنبية اذكر على سبيل المثال وليس الحصر مسلسل الرجل الآخر لنور الشريف و
The Bourn Identity
لمات ديمون

وهى ببساطة ان يبدأ العمل الفنى على رجل فقد ذاكرته ويحاول البحث عن ذاته طوال الفيلم فى سلسلة من المطاردات والاشتباهات والتوتر حتى ينجح فى النهاية ان يعرف من هو الا ان رغم كونها قصة قديمة وحكاية مستهلكة الا ان المخرج عمرو عرفة نجح فى اعادة تقديمها بشكل مثير وشيق وممنطق الى حد كبير وهذا ماجعل اعجابى يزداد بالفيلم وهو المنطق الذى غاب عن معظم افلامنا وكأنها تقدم لمجموعة من المتأخرين فكريا
الغريب فى هذا الفيلم انه رغم انتمائه للاكشن الا انه بلا
master scene
والماستر سيين هو غالبا مايأتى فى آخر الفيلم ليكون فيه الانتصار للبطل على غريمه بعد معركة عنيفة وقاتلة ولكنى اعتبر ان مشاجرة احمد عز مع باسم سمرة ضيف الفيلم هى الماستر سيين لأنها من اجمل المشاهد ان لم تكن اجملهم على الاطلاق رغم ان توقيتها فى وسط الفيلم فجاءت معركة طاحنة يتخللها الدماء وتختلط فيها المشاجرة الحقيقية الحاضرة بمشاجرة فى الماضى يتذكرها احمد عز وتنتهى الاولى بفوز باسم سمرة بينما تنتهى الأخرى بفوز احمد عز


احمد عز
جاء تمثيله مقنعا الى حد ما ورغم مايتمتع به من ملامح غنية بالوسامة والجاذبية التى تجعله من نجوم الصف الأول الا انها فقيرة فى التعبير وتقمص الشخصيات فيبدو لى كثيرا وكأن وجهه خارج لتوه من الثلاجة

زينة
يكفيها الى هنا ويجب عليها ان تفكر فى الاتجاه الى عرض الازياء فهى لا تملك من الموهبة الا وجه قد يكون جميلا للبعض وقد يكون لا للبعض الآخر
او ربما تبحث عن برنامج اطفال تقدمه حتى يتناسب مع سذاجتها وهبلها اللامحدود ولكنى اخشى على الاطفال من الاصابة بالبله والعته بعد مشاهدة برنامجها لذلك انصحها بالابتعاد عن الوسط الفنى والبحث عن امير سعودى تتزوجه وتقعد فى البيت وتريحنا من العبط الازلى اللى هى عايشة فيه ده

محمود عبد المغنى
دائما يظهر بلا اب ولا ام وشاب متشرد ولا انكر ان هذا يليق عليه كثيرا ولكن انصحه بالبعد عن التكرار فهكذا كان فى ملاكى اسكندرية وزى الهوا وصايع بحر وكلها ادوار متطابقة عدا دم الغزال الذى ظهر فيه بموهبة حقيقية فعلاعلى يد مخرج متميز مثل محمد ياسين

صلاح عبدالله
مبدع ومتميز ودمه خفيف كالعادة دوره المرة دى مختلف كتير عن ادواره السابقة لأنه دور شرير جدا ولكنه اداه ببراعة واتقان شديد ويذكرنا فى هذا الفيلم انه خبرة من ايام الهمجى



باسم سمرة
لن تكفينى آلاف العبارات للتحدث عن موهبة هذا النجم
فهو بلاشك خليفة احمد ذكى وانا متأكد ان هذا الفنان ينتظر مستقبل مشرق وناجح جدا فى التمثيل
فملامحه مصرية خالصة شديدة الحساسية هذا الى جانب موهبة تمثيلية ليس لها حدود ولا اخفى عليكم سرا انه سرق
الكاميرا من احمد عز
0000000000000000000000000000000000000000
منة فضالى
مرحة وجذابة وخفيفة الظل ومقنعة جدا فى اداءها وربما
تهوى فى غرامها اثناء مشاهدتك للفيلم على نقيض المعتوهة المسماة بزينة التى اشبه بفتاة خرجت لتوها من مستشفى الامراض العقلية
००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००००

00000000000000000000000000000000000000000000000000000000000000
نجح الفيلم ايضا فى تقديم وجوه قديمة غابت عننا كثيرا ولكنها ظهرت متألقة مرة اخرى مثل صبرى عبدالمنعم ومحمد الصاوى وأحمد صيام وكلهم اجادوا كثيرا






31 comments:

Egyptiana Trapped Soul said...

Great analysis dear mirage
make me too curious to go and watch it ...

Yasser Hussein said...

عجبني نقدك للفيلم فيما عدا وصفك لزينة .. فأسلوبك الوصفي لها خرج من نطاق النقد الفني إلى نطاق السب
وهذا يقلل من قيمة النقد
ولكن لو المقصود هنا نقل انطباع مشاهد
وليس مشروع ناقد
فالموضوع جيد
:)
خالص تحياتي

Doba said...

انا كان نفسى قوى ومازلت انى اشوف الفيلم بيعجبنى احمد عز بصراحة بس كنت هزعل لو الفيلم وحش متوقعاه اختياراته تكون جيدة

تحليل لذيذ للفيلم جدا وانا معاك ان سمره شخصية من الاكيد انه ينتظره مستقبل واعد فهو حقيقى متميز وموهوب

تحياتى يا ميراج
هبة

kimo said...

I wanted to see the movie so I will get the things and go:)))

citizenragab said...

بس
دم الغزال مش اخراج سمير سيف



ونشكرك علي حرق الفيلم

R.O.U.R.O.U. said...

ana mada5altish 2l film,bs 2ly da5alo 2alo ano gamd gedan,bs aktar 7aga 3agabtny on this post,ra2yek fi zena we menna,menna fe3lan gamda gdn,laken zena,ana ma3rafsh 2zay hiya lesa betmasel li3'ayet delwa2ty
cool post

Anonymous said...

حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

Mirage said...

miss egyptiana
you're gonna enjoy it, it's a cool movie,

ياسر حسين
هو فعلا وصل للسب انت معاك حق
بس هى المشكلة ان هى مش بتعرف تمثل اصلا نهائى
فاستفزتنى جدا فى الفيلم
وبيستفزنى اكتر المنتجين اللى مرحبين بيها

doba
لأ روحى اتفرجى على الفيلم هيعجبك جدا
وباسم سمرة ده حاجة جامدة جدا جدا

kimo
then, you wont understand anything :)
you'll keep laughing while other people are thrilled :)
and then, the usher will throw you away of the theater :))))))

citizenragb
اه فعلا هو مش اخراج سمير سيف
اخراج محمد ياسين
انا بعتذر لخطأى وهصلحه فى البوست حالا
وبعدين انا محرقتوش ولا حاجة
انا قلت الحكاية بس كده كمجمل مدخلتش فى تفاصيل

r.o.u.r.o.u.
انا لو مكان عمرو عرفة اصلا ابدل الادوار بينهم
وطبعا زينة مش هترضى
فهتنسحب من الفيلم
وكانت تبقى مصلحة للمشاهدين
:)

وينكى
انا هحاول آجى وربنا يسهل بقى

احساس لسه حى said...

عزيزتى
كل افلامنا اصبحت مستهلكه ومبقاش فليم يتكلم عن مشاكل بجد
الدنيا بتغلى والفن لا يغلى الفن اصبح باردا
سلااام

Ehab said...

تسلم يا باشا انا غالبا مش هلاقي وقت اشوف الفيلم لكن ممكن اتنطط على الناس بكلامك ده وادعي اني شوفته وحللته بعد اذن حضرتك انا هانقل الكلام واتفلسف بيه شويه
ههههههههههه
لأ بجد شكرا ليك على الوصف الجميل للفيلم كان نفسي اعرف عن الفيلم اي حاجه عشان اقدر اقرر ادخله سينما ولا استنى لما ينزل على الكمبيوتر واشوفه في البيت
تسلم
سلاااااااااااااااااام

Amany said...

ليه كده بس انا كنت عايزة اخشه

بس دة ما يمنعش ان نقدك دقيق وبناءا


ده للاسف

ناردين said...

عجبني طرحك لوجهة نظرك ف الفيلم
بس هحتفظ بالتعليق لغاية لما اشوف الفيلم وهرجع للبوست تاني اعلق عليه بالتفصيل
وحشنا كلامك يا صديقي

Unknown said...

طرقتك فى نقد و تحليل الفيلم شدنى بس حاسة بتجنى شوية على أحمد عز ، بالعكس أنا شايفة أنه أكتر واحد تلقائى و طبيعى بعد خالد الصاوى من الى موجودين ع الساحة ماباحسش أصلا أنه بيمثل
بس المدونة هايلة و جذابة :)
تحياتى و فى أنتظار المزيد

عمرو غريب said...

انت والله شوقتني ان اروح واشوف الفيلم خاصة وانا بحب القصص الي زي قصة كدة الرجل الاخر لنور الشريف بس مش معاك لوصفك للممثلة زينة

micheal said...

تنفع ناقد فني يا باشا بجد بس حاول تغير في أسلوب نقدك لزينه شويه لحسن تأخد علي خاطرها و ترفع قضيه سب و قذف
:)
تحياتي لك

Mirage said...

احساس لسه حى
انا مذكر مش مؤنث
بس انا متفق معاك فعلا ان مفيش عمل فنى بقى بيعبر عن مشاكل البلد بجد او بيعكس ارض الواقع

الشنكوتى الكبير
اى خدمة يامعلم
بس انا معرفتش انت كده هتدخله ولا تستنى لما تشوفه على الكمبيوتر ؟

amany
وللأسف ليه ؟
وبعدين انا متكلم عموما يعنى مش حاكى تفاصيل الفيلم
يعنى لسه فى جوانب كثيرة للاستمتاع بالفيلم

ناردين
ياللا بقى ادخليه انتى وسما وتعالوا قولولى رأيكوا ايه

عاليا حليم
لأ بجد حرام عليكى
انتى بتقارنى ايه بايه
احمد عز جنب خالد الصاوى
تلميذ بجوار استاذ
لا اعتقد ذلك ولا اتفق معاكى فى الرأى مع كامل احترامى ليكى
واهلا بيكى فى اول زيارة وياريت تتكرر على طول

عمرو غريب
انت شكلك بتحب زينة كده
:)
اشطة عليك
الله يسهله ياسيدى

michael
انا بقول رأيى بصراحة وياريت تقرا الكلمتين دول

kimo said...

انا قرأت ادمان بس انا بعيدة قوى ان نقطة الشفاء دعواتك

Unknown said...

هى زينه دى شكلها ايه يا ميراج؟
مزه طحن يعني؟

Unknown said...

الى محبى الفنان الجامد أوى و الأنسان الرائع أوى خالد الصاوى شاركوا مدونة عندليبيات تدعوكم لحضور لحفلها الذى تقيمه بمناسبة مرور عام على مدونة خلود... قيه تورتة ماتخفوش

سينما اليوم said...

اختلف معاك شوية بالنسبة لرايك فى احمد عز فهو ممثل مجتهدواثبت وجوده كممثل ونجم فى ملاكى اسكندرية واتفق معاك جدا فى رايك فى باسم سمرة واتمنى انك تكون شفتله فيلم ( كلفتى ) اخراج محمد خان وطبعا صلاح عبداللة ممثل كبير اما زينة فهى فنانة موهوبة ولسة مجتش فرصتها
عماد النويرى

سينما اليوم said...

اختلف معاك شوية بالنسبة لرايك فى احمد عز فهو ممثل مجتهدواثبت وجوده كممثل ونجم فى ملاكى اسكندرية واتفق معاك جدا فى رايك فى باسم سمرة واتمنى انك تكون شفتله فيلم ( كلفتى ) اخراج محمد خان وطبعا صلاح عبداللة ممثل كبير اما زينة فهى فنانة موهوبة ولسة مجتش فرصتها
عماد النويرى

boshra mohamed said...

سبقتنى ياميراج
انا عملت برضه مراجعة عن الفيلم باتفق فيك معاها فى موهبة السمرة وان زينة ديه مش نافعة بس فيه حاجات تانية باختلف معاك فيها
ابقى طل بقى وانت تشوفها

The Alien said...

أنا معلقتش ع البوست عشان أنا مشفتش الفيلم
وتقريبا مش عارف أي حد من الممثلين
غير باسم سمرة وفعلا ممثل هايل

بالنسبة لموضوع حفلة منير واللي حصل لتامر
محدش شتم ولا حاجة
هو أول ما طلع ع المسرح كله قال ييييييييييييييي
وبعد شوية إنزل إنزل إنزل
كلام من دا يعني لكن محدش شتم
هو منير قام بالواجب وغسله لما قالك أنا لما خلصت خدوني ع الجيش
حتي ساعتها كله هيص لمنير

تحياتي

ibn nasser - ابن ناصر said...

لاقيتك بتشتم في جمال عبد الناصر قل سياسي محنك ,,لاقيتك جاي تكتب عن الفن والشفايف وحمام الهنا
خليك
في
احمد عز
وحمام الهنا
!!!!

غمض عينيك said...

عرض لذيذ للفبلم ياميراج
انا كنت ناوي ادخلة بكرة وكويس اني قريت البوست بتاعك عشان اكون داخل وانا عندي فكره عنه

تحياتي ليك


محمد سمير

Doba said...

عندى تاج تعالو جاوبو عليه - يلا بسرعة قبل مأى حد يسبقكم

مستنياكم
هبة

أسوور said...

ماشفتش الفيلم
ومش عارفة اذا كنت هاشوفه بقى ولا لأ بعد البوست دة

تحياتى

Coca said...

بس يا ميراج
انا شايفه ان اراءك تعسفيه شوفيه
في الاخر دي وجهه نظر
بس وجهه نظري ان مفيش حاجه اسمها افكار مستهلكه الفكره بتجوب في اكتر من عقل بطرق واشكال وقوال تفكير مختلفه
وانا شايفه ان المخرج نحج في عمل فيلم قصه تحب تشوفها وتستمع وتفضل متعلق بالاحداث الي ان تنتهي

صاحب البوابــة said...

تحليل ونقد صحفي

اكثر من ممتاز

تحياتي

سمـــــــــا said...

انا شفت الفيلم برضه و وعجبنى فيه الاثارة وخلط الماضى بالحاضر وطبعا الشكر فيهم للاخراج والتصوير ومعاك ان الماستر سيين كان المشاجرة بين باسم السمرة واحمد عز وانا شخصيا بموت فى باسم السمرة رغم انه مش وسيم اوى بس بحب احساس رجولته وصلابته اما احمد عز رغم وسامته انا مش بستظرفه للدرجة ومش شايفاه وااااااااو زي ما ستات كتير بتشوفه لكن كممثل رغم ان نظراته تنحة شوية وتحس انك احيانا عايز تديله على قفاه علشان يفوق ويقول الجملة اللى بعدها الا انى حبيت له ادوار زي الرهينة وملاكى اسكندرية ومنكرش برضه ان الحس الكوميدي عنده عالى لكن هو واقف فى زورى فى حاجة مش عارفة هى ايه بالظبط هههههههههه

اما زينة فطبعا هى شلل فى المسلسلات واللى مثلا كرهتنى فى مسلسل على يا ويكا من كتر السخافة والاستظراف وعوجان البوق وهى بتتكلم بصراحة شلل رغم ان ضحكتها مثلا جميلة وشفت لها لقاء فى التليفزيون دمها خفيف جدا ومش بالسذاجة والهبل اللى يتطلع بيهم فى التليفزيون واذكر ان يوسف شاهين فى حوار معاه قال انها بتمثل بكل ما فيها حتى عضلات وشها ورأى مخرج كبير زي دا انا شخصيا بعشقه يتشال على الراس واكيد بيفهم اكتر مننا .. يبقى ليه بيدوها الادوار الهابلة دى ؟؟؟ طيب ما يدوها ادوار جد شوية يمكن تثبت كفاءة واللا حاجة ، انا فاكرة انى شفتها فى فيلم حالة حب مع تامر حسنى وهانى سلامة واتذكر انها كانت مش بطالة وكانت ظريفة اللى حد ما بس هى تقريبا عملت زي سهر البابلى فى ريا وسكينة انا كل ما ادلع بخنف ههههههه

صلاح عبد الله : قنبلة وتمثيل ولن انسى دوره فى فيلم الرغبة مع نادية الجندى وخصوصا المشهد اللى اخدوها فيه على المستشفى.

محمود عبد المغنى : اعتقد هيكون بطل كبير اوى فى يوم من الايام

منة فضالى : انا مبتيقهاش وخصوصا لما بيطلعوها بنت ناس وطبعا احنا عارفين اصلها فبتبقى شلل موووووووووت لكن فى الدور دا كان كويسة يمكن لانه اقرب لحقيقتها .

ياااااااااااه كل دا تعليق شكلك هتكرهنى بس قلت اعلق على الفيلم براحتى هو انا كل يوم هدخل فيلم يعنى ؟ ههههههههه

Anonymous said...

Mesotherapy is administered nuts, center, eggs, soy, wheat and Common leafy vegetables.

To rid of cellulite permanently, a full lineage by the overabundance
torso fats we feature. surplusage cellulite deposited to the an subject
for me. This version of Mayonnaise ends up at of Orangeness pare
appearing skin and So, the Best way to use this constituent is through and through the topical unguent, Lick or Lotion.



my web blog - biotherm cellulite