Thursday, July 12, 2007

II عنها



لن تسمع احد ينطق هذه الكلمة بالطريقة التى تفعلها هى
تتلاقى شفتاها الممتلئة لتقول اول حروف الكلمة
B
جرب بنفسك ان تنطق هذا الحرف
تجد ان شفتاك تقابل بعضهما
ولكنها تفعلها بطريقة متوحدة لا تجروء اى امرأة فى حتى التفكير فى منافستها

Babe

تخرج اولى حروفها مغلفة بقبلة مليئة بمعانى الحب كلها
مفعمة بالحياة وروح الشباب

قبلة مثل تلك التى اعاد الامير بها سنووايت من الموت الى الحياة مرة اخرى

تصنع شفتاها الشهية الكلمة مثل هوليوود عندما تصنع فيلم رومانسى يشاهده العالم كله ويخرج من قاعة العرض فى حالة هيام وذهول تام

لا تملك الا ان تطلب اعادة صناعة الكلمة مرات ومرات
لا تمل ابدا من الالحاح فى سماعها

فهى تعرف ماتفعله جيدا

سمعتها من فتاة اخرى من قبل
ولكنها مرت على مسامعى مرور الكرام

اما هى
فلجمت اذنى تماما باربع حروف فقط
تنفذ الكلمة من اذنك الى قلبك مباشرة كاسرة كل الحواجز
متخطية كل المعوقات كما يخترق السهم الهواء ليصيب الهدف وفى المنتصف تماما
تذيب قلبك فى ثوانى وتسكن فيه

تجعله ملكها للابد

حتى اذا فكرت فى امرأة اخرى وما ان تتذكر القوة الخفية الكامنة فى شفتيها
تشعر بالخجل من نفسك
كيف تسمح لتفكيرك المحدود فى عقد مقارنة معها باخرى
لا احد مثلها
ولا احد يستطيع ان يكون مثلها

اذا عرفتها لن تستطيع التوقف عن التفكير بها
واذا شاءت الظروف الفراق
فلن تنساها ابدا متى حييت

تظل الكلمة تتردد فى اذنك حاملة ذكرى طيبة جميلة

لا تملك الا الابتسام متمنيا ان تكون هى كمان تتذكرك

مثلما تعيش هى فى قلبك طول الايام

33 comments:

Lost Love ( Found it now ) said...

في بعض الاحيان و بتحصل كتير مع العشاق الكلمات البسيطة اللي زي دي لما بتتقال بينهم مابيحسوهاش بنفس المعنى من اي حد تاني يعني حتى لو سمعوها مية مرة في اليوم برضه لما بيقولها انسان قريب مننا اوي بيكون ليها طريقة نطق و معنى تاني خالص.

سمـــــــــــا said...

بصراحة البوست دا حقيقى جدا لان فيه كلمات او لزامات عند ناس بعينهم تعرفهم بتميزهم ولو اى حد قال نفس الكلمة مش بتسيب فيك اى أثر بالعكس ممكن تفكرك بصاحب الكلمة الحقيقى

وعندك حق بصراحة فيه طرق لا تقاوم ولا تقارن فى نطق الكلمات حتى لو كانت مجرد همهمة فممكن تكون مميزة جدا لما حد معين يقولها بطريقته

خليك فى البيت said...

ندعوكم لزيارة مدونة خليك فى البيت والمشاركة فى الحملة

Doba said...

عجبا لأمر الرجل فهو يعشق أن يستمتع دائماً برجولته الكاملة وبشعوره بأنه الطفل المدلل والحيد لدى أمرأته

تحياتى بوست مميز كالعادة - جميلة قوى مشاعرك واحاسيسك واستمتاعك بكل ما تقدمه هى إليك

تحياتى وسلامى
هبة

The Alien said...

اللزمات دي ساعات بتبقي جميلة
وفعلا بتخلي الواحد يبقي عايز يسمعها كتير
وياسلام لما تكون عند حد بيحبه
عشان هيكون ليها طعم مختلف

تحياتي

kimo said...

your post touched my heart I know someone is exactly like that

nourita said...

you are really gifted

but who is she :)

ناردين said...

اد ايه الكلام دا صح جداً
لما بنحب حد
بنحس كلماته بتحفر وتبني جوانا بيوت ، حتى لو بعدنا
بتفضل جوانا
اد ايه تلقائية ف وصف احساسك صادقة وتمس موقف مر بينا كلنا
وزي ما حب عمري قالت
في كلمات حتى لو مجرد همهمة او اكسبريشن صوتي معين تخرج من حد معين
بتبقى
ملهااااااااااش حل
ولا تُقارن
ولا تُقاوم
بوست جذاب

اجندا حمرا said...

تصدق ياميراج صح فعلا فيه بعض اللزمات او اسلوب الكلام عند بعض الناس تحسي فعلا ان قلبك حينط من بين ضلوعك لما بتسمع كلمه معينه و ممكن تكون كلمه عاديه اوي لكن لما بتسمعها بتكون ايه يالاهوي
زي مثلا باي لو سمعتها من اللي بحبها ياخرابي قلبي بيقع في رجلي و بكون اييه طايره طير
الصوت و نبرته برضه جامد في تأثيره
تصدق حتي ساعات السكوت بيكون له تأثير اقوي من الكلام؟

truelove said...

جميل قوي تصويرك والاجمل احساسك بمعني الكلمة التي يراها الكثير عادية ولكن انت وحدك الذي يرى كل هذا الجمال لماذا انت تعلم لماذا تحياتي للبوست الجميل وايه بقالك فترة مش منورني يعني

وينكى said...

على فكره انا
عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

Mirage said...

lost love (found it now)
ليس فقط فى بعض الاحيان ولكنها فى كل الاحيان مع العشاق تحديدا

سما
بشكرك على اول زيارة ليكى وعلى فكرة انتوا عاملين شغل جامد انتى وناردين ومنورين العالم كله
:)

خليك فى البيت
هجيلك

دوبا
اليس هناك من قال ان فى كل رجل طفل صغير يعيش بداخله دائما
هذه حقيقة ليس عليها جدال

the alien
انا هشوفك النهاردة فى حفلة منير ولا ايه ؟
وهسمعك لزمات للصبح
:)

Mirage said...

Kimo
I'm glad that to express something you feel inside from your heart :)
have u bought ID or not yet ;) ?

Nourita
Thanks for your comment, and she's some blogger,
a very special blogger,
write about somethings no one can write about

ناردين
ميرسى ياغاليتى ناردين على كلامك الجميل
واشكرك على اضافة مدونتى عندك

اجندة حمرا
انا عن نفسى السكوت مش بحسه انه ممكن يكون معبر اكتر من الكلام الا فى لحظات معينة قوى وعادة اللحظات دى بتقترن بممارسة الحب سواء قبل او بعد
باى برضه بتاعتها حاجة سبيشيال قوى بس انا بالنسبة لى
babe
اكثر تأثيرا

true love
لأ مفهمتش لماذا انت تعلم لماذا دى
:)
اكيد لأنى انا اكتر واحد ببقى حاسس بيها وبمعنى الكلمة دى
وعلى فكرة انا بزورك دايما وانتى موجودة فى القائمة المفضلة عندى بس مش بلاقى وقت فى الشغل اكوممينت للاسف


وينكى
مبروك لتانى مرة
وربنا يسهل واقدر اجى

الشنكوتي الكبير said...

سامحني يا صديقي غبت عنك فتره لكنها ظروف طارئه ولكني عدت لأجد صديقي يكتب كعادته كلمات تخطفني وتحرك الذاكره لأبتسم في هدوء وانا اذكر مواقف تشبه كلامك واذكر ان كلمه او جمله اسمعها من تلك الشفاه التي احبها
بجد يا ميراج احييك زي كل مره على وصفك
وياريت تبلغها تحياتي واحترامي انها ملأت قلبك بكل هذه المشاعر الجميله
بجد اتمنى ليكم كل السعاده
واوعى تكون حستني زعلان منك عشان المناقشه اللي فاتت انا قلتلك اننا اصحاب جدا وعشان كده انا ممكن اقبل من صاحبي اي انتقاد وزي مانت فضلت تناقشني وفي الأخر رحبت بوجودي دايما
انا لا يمكن اخسر صديق فرحت بمعرفته واتشرفت بيه يعني انا هافضل صاحبك غصب عنك يا فقري
عموما تحياتي
وشكرا على بوستك الهايل ده
سلااااااااااااااااااااااااااااام

micheal said...

ايه يا عم الرومانسيه دي كلها
تحياتي

human said...

ميراج لقد قلتى انك تتمنين ان يزول الحجاب من مصر فهل تنضمين الى حزب اعداء الحجاب اتمنى ان تحادثنى على human19862001@yahoo.com

shahy said...

مش ممكن
تعبيرك و وصفك حاجة ملهاش حل

ومفيش كلام تاني يتقال

سلام

gawafaa said...

اه صحيح كلامك يجنن عشان طول ما انا بقراه افتكرت كل الكلام اللي عجبني منها
بس حقيقي كتابتك ممتعه اوي وتجذب للقرايه
تحياتي

Mirage said...

الشنكوتى الكبير
اهلا بيك دايما ياايهاب فى اى وقت
وعلى فكرة انا مش بزعل من حد ابدا وخصوصا لو كان حد جدع ومحترم زيك
مشرفنى دائما


michael
دى حاجة بسيطة ياباشا

human
انا مذكر مش مؤنث

shahy
شكرا لزيارتك ياجميل
ومستنى بوستك الجاى بقى

gawafa
اهلا بيكى فى اول مرة ويارب متكونش اخر مرة

The Alien said...

إنت شكلك زعلت
حتي مرديتش علي الميل بتاعي
أنا بكرر أسفي
بجد أنا كنت أتمني أشوفك ف الحفلة
وأكيد هتتعوض قريب

تحياتي

Egypt Rose said...

تعرف حتى لو قالت يا حمار ههههههههههههههه هتحبها .. ده يا ابني الحب .. يا ريت يسعدك الحب كمان وكمان ويملأ قلبك على طول عمرك وتكون اسعد انسان .. مذكر بقى ولا مؤنث المهم تكون سعيد بحبك
برج الدلو يتميز بالمرونة والنشاط والرقة والاحساس الفنى .. متقلب الرأى طايش يميل للخيال

العرافة ام الورد

S H A H said...

رومانسيتك جميلة و مدونتك اجمل و عايزلها عدة بقى اقراها كلها

HaMbAcAWeY said...

hi 3alek ya basha eh el kalam el gamed dah ya bakhtak ya sedy la2et wa7da te7ebaha ya retny makanak

علاء said...

ده موضوع التجمع ياريت أعرف رأيك

المدوّن خانة

صاحب البوابــة said...

بوست رائع للغاية

اعجبني كثيراً

تحياتي

youma said...

لما بنحب حد شيء غريب بيحصل لوقع كلماته على القلب بيتحرك في ثواني وبيصيبك برعشة مثيرة بنعشقها جداً

Doba said...

ايه يا ميراج أين أنت يا فتى
فين البوستات الجامدة - هتنينى مستنية كتير - كل يوم ادخل ملقيش حاجة جديدة

مستنياك - هبة

غمض عينيك said...

سيدي ياسيدي ع الكلام الجامد
فعلا عندك حق ممكن كلمة واحده وهمسه واحده تربطك بالشخص اللي بتحبة او ع الاقل تفضل دايما مفكراك بشخص يسرح فيه خيالك وتقول فين ايام زمان وكفايه كد عشان فكرتني بالذي مضى

تحياتي ليك
محمد سمير

kimo said...

و بعدين هتعقد ساكت كده كتير انا مش هاجيب اى حاجة لحد متكتب بوست جديد

fanan fa2eer said...

أنت تري الكلمة تخرج منها بشكل مختلف عن كل البشر لأنك تشعر تجاهها بمشاعر غير كل البشر

الحب يجعلنا نري الأشياء بشكل مختلف

princess dodo said...

البوست بتاعك بجد فعلا صح
بتحصل كتير اوى ان يكون فى كلمه كده
معينه نحب نسمعها من الحبيب
يمكن بيقولها زى اى حد
بس تلاقى نفست دبت فيها
وحسيتها بشكل تانى خالص
البوست يجنن اكثر من رائع

تحياتى

Loving Anabel said...

انت نشنت فالجوووون يا ميراج لأن كل كلمة قريتها حسيت بيها في ناس كدة ليها كلام وطريقة زي ما علّقت سما مينفعش لمّا تسمع كلماتهم من ناس تانية غير انك تفتكرهم همّا وتلاقي ضحكه بلهاء اترسمت علي وشّك بدون سبب وجيه للناس فا تبقى في نص هدومك ههههههههههههه

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室