لو املك اختيار ملامح لوجهى
لاخترت ملامح اللاعب عمرو زكى
ملامح بها كثير من الشراسة ...القسوة... الشر...الغدر
حدة الطباع والانفعالات الغير محسوبة
عصبية بلا حدود وعنف دائم
فدائما مايفتقد الأنسان مالايملكه
ورغم ذلك كله تتمتع بجزء لا بأس به من الوسامة
فهو مقاتل شرس لا يهاب احد قلبه ميت يجرى بكل قوته لينقض على الكرة يدفع عماد النحاس هنا ويطيح بامير عبد الحميد هناك ليحرز الهدف الأول فى مرمى النادى الأهلى رغم انف الجميع
لم تكتمل فرحته للأسف وذلك لأن فى النهاية
الكبير كبير
لم تكن المباراة التى شاهدناها بالأمس هى نهائى كأس مصر
ولكنها كانت نهائى كأس اوروبا
كان مانشستر يونايتد يصارع اليوفينتس حتى آخر دقيقة فى المباراة
ربما تكون اجمل مباراة كرة قدم بين اهلى وزمالك فى العشر سنين الأخيرة
لعب الزمالك مباراة عظيمة استطاع ان يكون متقدما ومتفوقا ولكن فى النهاية
عفوا يا جمهور الزمالك
لا يصح الا الصحيح
مبروك ياأهلى الكأس وحظ اوفر فى المرات القادمة للزمالك
ملاحظة اخيرة : اتفقنا فى الرأى انا واصدقائى ان امير عبد الحميد يبدو وكأنه الشقيق الاصغر لجمال مبارك وذلك لشدة الشبه بينهم
انتوا رأيكوا ايه ؟
18 comments:
انا اتفق معك ان المباراه كانت جيده جدا
فرغم عدم اهتمامى بالكره مطلقا الا انها اجبرتنى على متابعتها
تحياتى
تعرف يا ميراج اني مليش في الكرة بس اتفرجت على جزء صغيور انبارح وكنت حاسة انفي حاجة حلوة بتحصل هي ايه معرفش بس كان في لعب جميل وحمادة كان منور مع اني اهلاوية انتماء لااخي الاصغر بس والله غير كده انا مليش في الكرة خالص بسانا بحب الاخلاق في كل حاجة وحمادة من الاعيبة اللي اخلاقهم بتبان عليهم قوي
الماتش كان حلو
حسيت لأول مرة بالإثارة الكروية وأنا بتفرج عليه
أصل محسوبك من زمان ملوش ف الكورة بتاعتنا
عمر زكي لعب ماتش كويس
بس إن لعيب محترف يفقد أعصابه بالمنظر دا ومع الحكم فدا مش حاجة لطيفة خالص
صعب جدا نشوف حاجة زي دي برة
بصراحة اﻷهلي عمل ماتش جامد جدا
وفعلا الفرق الكبيرة هي اللي تفضل تلعب للأخر
ياراجل دا لعيبة الزمالك كانوا مش قادرين يمشوا ف أخر شوطين
بالنسبة لموضوع أمير وجمال
فأنا مش هفيدك عشان مركزتش مع أمير
تحياتي
مبرو للاهلي والزمالك و الكوره المصريه
هوووووووووو أهلاووي
انا بقى اتفرجت على الماتش في كافي شوب انا والدرويش والعيال
واحنا طبعا اهلاوية
وكان ورانا شباب زملكاوية
وكان احساس وحش قوي لما الزمالك جاب الجول الاول
واحنا رايحين ومعانا الاعلام الحمراء واعصابنا باظت خالص
انا فعلا بيعجبني عمرو ذكي وشيكابالا
ومش واخدة بالي من امير اصلي مركزة مع عصام الحضري
سلام للاهلاوية
عزيزى
ده ردى على اجندا
يا ريت تفهمه
عزيزتى
صحابك مستنوش ردك وقاموا بالواجب معايا وهرد على واحد بعد اذنك
بس هوضح كام نقطه
لما تتقال كلمه حب لازم يكون وراها كلمات كتير ومعانى اكبر واكبر
ولو حدى دخل البوست بتاعى كان عرف ايه معنى الحب اللى انا بشوفه هى لو كانت قالت كان بينى وبين واحده علاقه وسبنا بعض كنت ما ردتش الرد ده بس دى قالت حب الحب اللى الانسان ممكن يقف ادام اى شئ علشانه الحب اللى يخلينى احساسى يتغير ونظرتى للحياه تحلو
اللى يخون مش بيحب واللى يكدب مش بيحب واللى يلون مش بيحب واللى يخدع مش بيحب واللى يبيع مش بيحب واللى بسهوله يحب مش بيحب واللى بسهوله يبيع الحب مش بيحب واللى يوجع مش بيحب واللى يقول انى وحبيبتى نكون اصحاب مش بيحب واللى يسكت على خيانه حبيبه مش بيحب الحب بيرفع مش بيوطى الحب بيعز مش بيزل الاخت اجندا للاسف وده من كلامها دايمن تقول انها حبيت وحصل حاجات عمرك مافكرتي انتي ليه بتفشلي في قصه ورا قصه من قصص الحب اللي بتعيشيها انا بسالها
انا بقولها خالى قلبك غالى وحبك غالى لانه المفروض يكون غالى
ومش بتستفيدي برضه زي ماأنا عارفه و بتقعي في نفس الغلطه بعد كده مره و اتنين و تلاته مش شايفه ان الأصرار علي الغلط فيه نوع من العند؟
يبقى يا اجندا انتى بتحبى حب حقيقى وبجد
اما الاخت
Miss Egyptiana "Trapped
انا ما اقصدش اجرح ولا احدف طوب انا بس محبش الف حولين الحقايق ومسميش حاجه الا باسمها العلاقه شئ والحب شئ
وانا مع اجندا لانى بعزها بحب اكلمها بصراحه ووضوح وهجومى مش على المثليات وانا مش مشجعنهم بس هما حرين لاكن هجومى على طريقه كلامها عن الحب وخلطها بالعلاقات الجنسيه والاشتغاليه
وكمان زى ما انتى عارفه المثليات عندهم سعت صدر فى حكايه العلاقه يعنى من مدونتهم حسيت انهم بسهوله يحبوا وبسهوله يحبوا وهما بيحبوا وبسهوله يعملوا علاقه وهما بيحبوا وبسهوله يسامحوا على الخيانه وهما بيحبوا وبسهوله وبسهوله حاجات كتير اقرب ما يكونوا الى الرجل فى حبه بيحب وممكن يخون وعنيه زيغه على النسوان
المثليات كده لاكن المراه صعب يكون عنيها زايغه على الرجاله
اما الاخ
Mirage
بقوله العاطفه والاحساس مفهاش ثقافه
وانا كل كلامى انى بدافع عن كلمه حب اللى موتوا معناها فى العلاقات وبس
اما المعلومه بتعتك والميزه اللى قولت عليها اكدت دراسه قرتها ان نسبه95%من المثلين والمثليات بيخونوا احبائهم بعد الارتباط وفيه اللى من اول سنه ودول نسبتهم35% يعنى المشاعر الرهفه والحساسيه العاليه اللى عندهم بيخيلهم بيحبوا على نفسهم لدرجه عدم الاخلاص فى الحب اللى اسف بيسموا حب وبجد
اما الاخت
iam fallen love
انا مش بهاجم انا بقول راى
وكمان انا مقولتش ان اللى يحب مره صعب يحب تانى بس قولت اللى بيحب بجد صعب ينسا حبه هيفضل جواه وصعب يكون الحب صداقه وعادى يشوف اللى كان بيحبه مع حد تانى
على العموم انا مش بتكلم عن جرح انجرحته لاكن ممكن بتكلم عن جراح كتير شوفتها
اما الاخت
Egypt Rose
بتاعت حبي مليون مرة و افشلي ايه المشكلة دى بقا مثال حى للى مش بتعرف معنى الحب ولا بتحب والحب عندها زى اللعبه تلعب بيها وترميها لما تزهق
يا ريت ندى للحب معنى اكبر من كده ودى هديه ليكم فيها الحب وفيها الفراق
ياريت تفهمها وتفهومونى
خرجت ادامى من الباب
قررنا نكون اصحاب
مش عارف مين الخسران
ولا عارف ايه الاسباب
خرجت وسبتنى اتذكر
ايام ما كان الحب بيكبر
اننا روح واحده فى جسدين
على زعلى مكنتش بتقدر
كان بينا كلام بالعين
مع بعض والناس مش حاسين
ونقول الكلمه مش مفهومه
لغه بينا احنا الفاهمين
نتخاصم بعد ثوانى نتصالح
ولا بينا اى كلام جارح
حتى لما قولنا فراق
نهينا وكل ما فينا مسامح
اهو حلم فى واقع مخنوق
الحب بقا فيه مسروق
نحسبها نلاقيه مش كفايه
دنيتنا خلاص بقيت سوق
نصيحه لكل العشاق
حكياتكم اخرها فراق
ولو كملت قصه حب
اهى ورقه ادمها كتير اوراق
سلاااااااااااام
انا الحاجة الوحيدة اللي تربكني بالكورة اني اعرف ابو تريكة شخصيا
غير كده اخر كاس عالم اتفرجت عليه كان سنة 90 باين
:)
الماتش كان جميل فعلا الفريقين لعبوا حلو و عجبني اصرار الزمالك على الفوز بس طبعا انا اهلاوية و اهل البيت كلهم سمعوا الهييييييه و التسقيف العالي مع كل جون للاهلي و اخر صيحة بقى مع صافرة الحكم بنهاية المباراة المهم مبروك للاهلي اكيد يعني
بعيدا عن حاجات كتيييييييييييير في البوست انا مش معاها
خايف يطلع التشابه بينهم كبير لدرجة ان جمال هو كمان يتبهدل و تطلع عينه طول الماتش و يرفع الكاس في الاخر
يبقى لامؤاخذه بقى
الف مبروك للنادي الاهلي و الف مبروك للزمالك علي العودة لمستواة تحياتي لك علي هذا البوست الرائع
ندعوكم لزيارة مدونة خليك فى البيت والمشاركة فى الحملة
بغض النظر عن انى زملكاوى وان اصحابى الاهلاويه كانوا بيعذبونى بانى اشوف الماتش للمره الخامسه ومنها لله art
لكن الماتش كان مختلف وفيه كوره جميله واثاره لانها بطوله مش محسومه واحنا مفتقدين الاثاره دى لان الدورى عندنا بيتحسم من تانى دور
واكتر حاجه عجبتنى ان مكنش فيه شد فى الملعب بين اللعيبه وانما الشد كان فى ان كل لاعب بيأدى كأنها مباراة حياته
لكن اللياقه مش على قد الماتش اى نعم هى اتحسنت نوعا ما بس لسه
مبروك لكل الاهلاويه
زملكاوى
بصراحة انا بكره عمرو زكي اوي بجد وحاسس فعلا انه بلدوزر مش شايف قدامه اي حد ولا اي حاجة
ع العموم الف مبروك للاهلي...الماتش فعلا كان جميل جدا الزمالك كان ممتاز والاهلي كان عظيم
تحياتي
محمد سمير
يعني هو اكمني انا مش بفهم في الكورة ومعرفش لعيبة الاهلي من الزمالك من اي حد ماشي في الشارع
ثبِّت البوست دا ومفيش بعده؟
طيب الشاب الوسيم اللي ف الصورة مش بطال
والتاني يعني شبه اللهم احفظنا فعلاً
فين البوست اللي بعده؟ بقلق لما تختفي كده وبيوحشني اسلوبك الجميل بجد
اوعى تكون كل دا قاعد بتعيد الماتش وبتتفرج عليه تاني؟
في انتظار البوست الجديد
ahlan ya basha ana ahlawy awy we ba7ayek 3ala el post dah we ma3 enny bakrah el zamalek laken 3amr zaki mohagem mosh battal we gamal 7amza momtaz laken dol yego eh gamb el ahly ;;;;;; ehhhhhhhhh mesh shayef ya3ny homma beyesgharo walla e7na elle benekbar
والله انا كمان بحب شكله بس مشكلته الشعريتين الي تحت دقنه دول مبوظين ملامحه وملامح القسوه دي
يعني بتخيل لو بدوجلاس او سايب دقنه هيبقي اكثر شراسه ولا انا غلطان
تحياتي
ده أمير وده حيخلوه أمير بالعافية :)
سؤال برئ ملوش فى الكورة عشان أنا مليش فيها ...
هل فى رأيك أن الشراسة و القسوة بتدل على الرجولة ؟؟
مجرد سؤال !!
الكورة تشبه كتير للسينما بس سيناريوهاتها لما تحلو على شوية واقعية بتبقى رائعة لأبعد الحدود....و يا ريت أمير كان يبقى شبه بوفون و لا فان درسار و لا حتى عصام الحضري... كان هيبقى افيد بكتير :)...و بما إنك سينماوي متمرس يا ريت تعدي على أول بوست ليا و تقولي إيه رأيك...و زود بوستاتك ...خللي الشعب ينبسط(بفتح الباء و السين)
Post a Comment