Friday, June 15, 2007

عنها

اكتب اليوم عن السبب الرئيسى
او بمعنى ادق عنها
فهى
مدونة هى مثلى
تكتب كلاما ابسط ما يقال عنه انه نابع مباشرة من قلبها دون اى رتوش
احببت قرائته كثيرا
طلبت التعارف من دافع الفضول فقط
ولكن يبدو ان فضولى كان يعد لى مفاجأة
ساعدتنى كثيرا فى التخلص من حالة الادمان التى كنت اعيش بها
تخاطب هى ذهنى
بينما الأخرى تخاطب جسمى
وجدت حديثى معها دائما شيقا ممتعا
استمتع به الى اقصى حد
اود لو لا ينتهى الكلام
خطاب العقل دائما ما يكون اقوى واشد تأثيرا من خطاب الغرائز
تعيش هى منفردة فى عالمها الخاص
كم هو جميل
اشعر وكأنى اعرفها من سنين
ليست غريبة على
لاابذل مجهود فى التعرف عليها
اسألها وتأتى الاجابة غالبا كما اتوقعها ومثل مايدور فى زهنى
يبدو الموضوع غامضا بعض الشىء
لم نتحدث سوى بضعة ايام
لم يكن الحديث هاتفيا او وجها لوجه
كان من خلال لوحة المفاتيح
ولكنها تجعلنى استخدم هذه اللوحة كما لم استخدمها من قبل
تشعرنى كأنى عازف موسيقى يلعب على البيانو
اكون حروفا بجانب بعضها تبدو لى كالنوتة الموسيقية
افكر كثيرا قبل ان ارسل لها بعبارة حتى لا يضيع اللحن منى

هذه ليست محاولة لاعادة صياغة قصة روميو وجولييت
لا ليست كذلك
اطلاقا

ولكنه نوع من التوافق
توافق دائما تبحث عنه فى الآخرين
قد تقضى عمرك كله باحثا ونادرا ما تجده
ولكنه عندما يلوح لك من بعيد
تتشبث به انظارك ولا تستطيع ان تذهب بعينك فى اى نقطة اخرى
تعيش بالقرب منى جغرافيا ولكن عالمها الخاص يجعلنى اشعر انها تسكن فى كوكب آخر
قد تظل هناك وقد نلتقى يوما
لااعرف
ولكنى متأكد انها هناك
وهذا كافى جدا لى

اشكرك كثيرا

37 comments:

Egyptiana Trapped Soul said...

First allow me to express my admiration to the lovely picture you used, it is so expressive, and give us lots of insight about the person you are writing about

a person who is really absorbed and consumed by another world, that has its own terms; a person who wishes to live in an un-disturbed status of peace and serenity

So she is a blogger :) why I am not surprised; after all you have hinted to that point in your last post… and after all it make sense, a sensitive person like you cannot be moved by mortal lust… but with deep words that touch the heart

You said that talking to the mind is much stronger than the body, and I say that talking to mind is talking to the body, soul, mind, and heart… to everything that make you … you

It is nice that you have this feeling of compatibility… two persons write from the heart, they will definitely get along.

I also loved the part about the geographic location, and how she is near physically, and at the same time so far away … you still can ride the ships of mind, and wish for a favorable winds of peace.. and you will reach her safely, and when you do … you will be feasted in the crystal castle over the green hills… like an honorable prince of all times

Keep writing and tell us more
May peace be upon you

emoo said...

كلام جميل

Mirage said...

you will reach her safely, and when you do … you will be feasted in the crystal castle over the green hills… like an honorable prince of all times

your words make me a child who is dreaming about his birthday present.

this is actually all i can say

منة الله said...

من قلب الحياة

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

Doba said...

القصة فى كتابتها تحفة طبعا ووصفك للاحداث ممتع جدا
أنا بس هقولك جميل ان الواحد يلاقى حد يلمس مشاعره وافكاره وبكلمات بسيطة يكون عنده القدرة انه يغمر قلبك بفرحة شديدة

خوفى عليك من الارتطام بحافة الواقع فقط - استمتع بها كما تشاء من خلال لوحة المفاتيح ولكن اعلم ان لوحة المفاتيح هيه الأخرى نوع من الادمان - طبعا مش زى الأول لكنه ادمان على الحديث والانتظار والمتابعة والمشاركة

أحذر ألا تطعن قلبك - فى البداية كانت الشهوة هى الألم ولكن الآن قلبك وعقلك معاً - أحذر من خطواتك

أتمنى لك السعادة وتحقيق الآمال ولحظات من الدفء الفكرى مع.....شريكة الدرب

تحياتى..........هبة

Alaa said...

جميل الكلام
لكن يا ترى مين هي دي ؟
و ياترى هل التوافق ممكن يحصل في بضعة أيام بس ؟
و بلوحة المفاتيح بس ؟
متهيألي الموضوع أكبر من كده
تحياتي :)

أحمد said...

انا طلعت تافه جدا
خسارة
ما تفرقش كتير عن عبد الوهاب مطاوع او فاروق جويدة

حاجة بضان فعلا
كنت فاكرك حاجة عليها القيمة

احذف التعليق دا او سيبه مش هتفرق معايا

gohayna said...

اولا سعيده جدا بمعرفه مدونتك

ثانيا

موضوعك دا بجد ملوش حل

فعلا حاجه بجد بتحصل وللاسف مش لاقيين تفسير ليها ابدا

عن نفسي خطاب العقل مهم الف مليون مره من خطاب الغرائز

الحوار العقلي بيكون رائع بيسمو بروحك في افاق تانيه
اما خطاب الغرائز فهو لحظي او وقتي له بريق سرعان ما يخبو بعد حين

بجد موضوعك لمسني جدا

تحياتي ليك

Dalia said...

اكيد هى انسانه رائعه اوى
انا احب اعبر عن اعجابي بيها

shahy said...

اللي كنت عاوزة اقولة
دوبة قالتة
يسلم بقك ياهبة
وربنا معاك يا ميراج

سلام

Anonymous said...

ياريتك تخليك فى قصص الحب بتاعتك دى وملكش دعوة بالنقاب ومتعمليش نفسك حامل راية الاصلاح وتيجى تقولى نقول لا للنقاب

.:.-=- ELGaZaLy-=-.:. said...

جميل الكلام اوى بجد

مش مهم هيا مين المهم انك لقتى حد تتوافقى معاه تحياتى

Ehab said...

مبروك
احب اقولك برغم كل التحذيرات اللي بيقولوهالك من انك تندفع او لسه مينفعش تتسرع او او او وكل الحاجات دي لأن واضح ان انت فعلا المره دي سعيد جدا بحالة الحب البريئه
وطبعا محدش يقدر يتهمك بإنك المره دي بتجري وراء الشهوه بصراحه انا شوفت الضحكه السعيده في عنيك وانا بقرا كلامك مش عارف عشان انت دايما بتعرف تطلع احساسك في كتابتك ولا انت فعلا من كتر فرحتك بيها السعاده اندلقت على لوحة المفاتيح وغرقتها عموما في الحالتين النتيجه واحده انت خلاص لقيتها
طبعا حاول متتسرعش في الأعتراف واظن ان انا مش محتاج انصحك في طرق الدخول للقلوب ماشي يا باش ويا ريت تبقى تطمني اول بأول
تحياتي ليك واتمنى ليك التوفيق
واذا كانت لحظات التعب مع الأولانيه خلتك تكتب حلو كده امال بقى لحظات السعاده هتخلينا نتمتع بايه معاك
انا هاقعد استنى احلى البوستات منك يا جميل
سلاااااااااااااااااااااام

shahy said...

انت فين ياعم
هو مافيش حد بيحب في البلد دي غيرك والا اية؟

Unknown said...

أنا مستنية البوستات القادمة بفارغ الصبر
;)
يابختك ياسيدي
ربنا يوفقك

عباس العبد said...

انت مين ياد و عرفت منين انى ماشى و سايب المصنع اوعى تكون فادى
لخرب بيتك

micheal said...

بجد فرحتلك جدا لان فعلا الحب الحقيقي يخاطب المشاعر و ليس الجسد
تحياتي لك

انتظار مؤقت said...

حب الروح مالوش اخر لكن حب الجسد فاااااااااااااااني ..حب الجسد فاني
ماشي يا معلم افضل علقنا كده كتير براحتك
تحياتي

غمض عينيك said...

كلام جميل بس ياتري الحقيقة اجمل؟

تحياتي ليك

محمد سمير

Mirage said...

Emoo
كلام جميل
بس الاجمل ان انتى شرفتينى

منة الله
شكرا لدعوتك
وانا جيت ورشحت

دوبا
تعليقك قريته تقريبا حوالى سبع مرات من كتر منا حاسس انه فى الصميم قوى
لوحة المفاتيح مش ادمان ولا حاجة
دى بالعكس...غذاء للروح
زيها زى المزيكا كده بالظبط
وبخصوص قلبى
يارب ميجيبش طعنات ويستر عليه
اشكرك على تعليقك الجميل ده

علاء
انت اول زيارة
اهلا بيك اولا
انا هقوللك على حاجة
لما تكون بتتكلم مع حد وكل الاجابات اللى انت شايفها وبتقراها هى هى اللى كنت بتفكر فيها وبتتوقعها
تفتكر ممكن يكون فيه توافق اكتر من كده ؟ بغض النظر عن مدة الأيام القليلة
وبصراحة لو الموضوع اكبر من كده يبقى ربنا يستر بقى 

احمد
مع انى مبسوط جدا ولهى انك جيت بس انا مش بحب الفاظ خارجة عندى
وعلى فكرة انت خيالك كده يشبه خيال قصة هارى بوتر ويمكن اكتر كمان
معلش خيبت املك في
كان نفسى ابقى حاجة تشرفك وتخليك ماشى فى الحتة رافع رأسك بس اعمل ايه بقى
ظروفى كده

جهينة
اول زيارة
اهلا بيكى ومبسوط انى قدرت اعبر عن حاجة لمستك فعلا
تحياتى ليكى واهلا بيكى مرة تانية

داليا
معاكى حق طبعا
ربنا يخليها
ويخليكى انتى كمان

شاهى
فعلا ياشاهى
التعليق بتاع هبة ده جامد موت
انتى كده هتخلينى ارجع اقراه كمان مرة
كازانوفا
هو انا ضد النقاب فعلا
بس انا مش فاكر ان انا قلت لا للنقاب قبل كده فى تعليق او كده
بس عموما يعنى الاختلاف فى الرأى لايفسد للود قضية
واهلا بيك على كل حال

الغزالى
المهم انى اتحررت من الخيال المريض اللى كنت عايش فيه طول الوقت
وعلى فكرة انا مذكر مش مؤنث

Mirage said...

الشنكوتى الكبير
الله يبارك فيك ياحبيب قلبى
انت بالذات تعليقك ده بيبقى حاجة تانية خالص
بس انا متعود عليك تبقى فى اول او تانى كوممينت بالكتير قوى
بقينا بنيجى متأخر ياستاذ
ياريت نظبط مواعيدنا

شاهى
منا موجود اهو


فنان فقير
حااااااااااااااااااااااالا
فريرة

عباس العبد
انت مين ياد
انت ايه ياد
انا من المباحث
انت متراقب ياحلو
خلى بالك من نفسك

مايكل
شكرا لمشاعرك الطيبة دى يامايكل
اكيد طبعا الحب الحقيقى بيخاطب كيان الانسان كله بس ده ايه علاقته بالبوست بتاعى ؟
:P

انتظار مؤقت
ههههههههههههههههههه
اعذرنى اصل البوست بياخد وقت قعبال مايطلع من الفرن

غمض عينيك
بس تقصد بايه الحقيقة ؟
مش فاهمك ؟!؟!

Sabsoub said...

بعتقد أني عرفتها :)
كتير ناس بتقول أنا بهمني شوف و ألمس و شم و دوق و أسمع لحتى أفهم و بهمني أستعمل حواسي الخمسة لحتى كون فكرة دقيقة و أنا مع فكرة أنو هدا الكلام بيظبط ع كل شي بالحياة إلا ع الإحساس .. بموضوع الإحساس أنت فيك تحط حواسك الخمسة ع جنب و تشغل الحاسة السادسة و منشان هيك ما بستغرب أنو كلمات لامست قلبك و إحساسك عملت فيك كل هالشي و غيرتلك حياتك .. نصيحة مني لاتحاول مبدئيا تلتقى فيها أو تحكيها ع التلفون .. خليكن ع النت .. وانشالله بتتوفقوا و ما بيصير معكن إلا كل خير

Mirage said...

بس ليه انى بتقولى لا تلتقوا

وممكن تبعتيلى تخمينك على المايل

:)

Alexandrian far away said...

بجد يا عم ميراج
أنا مش عارف أستوعب أزاي يعنى مجرد شبح رقمي على النت لا لعلاقة لك به سوى على الكي بورد ممكن يغنيك عن المزه الجباره الى انت حايح عليها دي ومحيحنا معاك؟
ممكن سؤال شخصي؟
أنت لسه عذراء يا ميراج؟

Jobove - Reus said...

please visit, thank

ياسر سليم said...

أوباااااااا

حب يعنى ولا ايه .؟

ربنا يوفقك يا باشا ..

وهتستغرب انى اقولك انا كمان ..........

سبحان الله يبقى اسم المدونات زى بعض وباين علينا هنتورط زى بعض ..

تحياتى ليك .. وطريقة كتابتك روعة

ناردين said...

صديقي العزيز..
بجد قريت كلامك اكتر من مرة ..
مندهشتش انك مميز في الكتابة عن احساسك برومانسية زي ما كنت مميز في كتابة قصة واقعية .. تميزك شيئ نابع من جواك مش تأثير خارجي فقط..
لكن انا معاك .. شيئ رائع لما فجأة روحنا تلاقي روح تانية جميلة تحس معاها باحساس جميل جديد مجربتوش يخليها تطير وتلمس السحاب وتتملي نفسها سحر ، بس الجميل بجد .. ان احساسك يكون بالنقاء الكافي لالتقاط ذبذبات روحية على مستوى عالم آخر زي ما بتقول..
اد ايه احساسك جميل .. وانسيابية تعبيرك بتخليه يعدي للقلب ببساطة..
فتحت نفسي على القراية ؟ فين البوست اللي بعده؟

عمرو غريب said...

الحمد لله ان انت تخلصت من تلك الحالة تحياتي لك واتمني لك التوفيق

غمض عينيك said...

باشا انا اقصد بالحقيقة انك فعلا تقدر تجتاز المرحلة اللي اكيد اثرت جامد في حياتك وتقدر تبتدي صفحة جديدة

تحياتي ليك

محمد سمير

Mirage said...

Alexandrian faraway
انا كمان ولهى مش عارف استوعب
بس انت مش هتقدر تفهم حاجة غير لما تكون فى مكانى فعلا وشايف اللى بيحصل
وبصراحة الاجابة على السوءال بتاعك هى لأ
بس ممكن انا اسألك ليه ؟



ياسر سليم

يارااااااااااااااااااجل

انت كمان

بس انا مقلتش ان ده حب على فكرة
بس باين عليك انت اللى على راسك بطحة

نقول مبروك مقدما


ناردين
موضوع الذبذبات الروحية ده هو اللى محيرنى
هو فى كده ؟



عمرو غريب
اهلا بيك
وهبعتلك الصور على المايل حالا

غمض عينيك
شكرا لتوضيح معنى الحقيقة
بس على فكرة هى مش صفحة جديدة
ده كتاب بحاله
وشكله كده مالوش آخر

only spot said...

للمره الاولى اعلق فى مدونتك واتمنى ان تقبل صداقتى

اما بالنسه لحالة الادمان الى انت كنت فيها وعلاقها اسمح لى ان اتناولها من الناحيه الادبيه والواقعيه
من الناحيه الادبيه اسلوبك ممتع حقا ويشرك القارئ فى القصه ويجعله يعيش الحاله التى يعرضا الكاتب اعتقد انك مشروع كاتب ناجح ان استمريت فى الكتابه والسرد
اما بالنسبه للموضوع لو كان قصه فعلا واقعيه فاعتقد انك لم تحب الاولى بل تعلقت بها خاصة انها تبدو ماهره فى الشد والجذب معك فهى تبدو مبادله لك نفس الاحاسيس وفى الوقت ذاته رافضه
اما بالنسبه لعلاجك من حالة الادمان بالاخرى التى جذبتك لها بعقلها فهذا هو الدليل انك لم تحب الاولى ولا الثانيه ايضا
تبدو انك تبحث عن شئ غامض حتى بالنسبه لك فانت تبحث عن حالة الحب وليس الحب الحقيقى يا عزيزى
الحب الحقيقى لا ينشا عن طريق الكيبورد ولا حتى استخدامه كعلاج من حالة ادمان لشخصيه اخرى
انت تفكرنى بالحكمه القائله وداونى بالتى كانت هى الداء
وداءك هو حالة حب طارئه عالجتها بحاله اخرى تملئ عليك فراغك
اعتذر عن الاطاله وقد اكون مخطئه فى رايى ولكن تلك هى رؤيتى للموضوع
واختلاف الراى لا يفسد للود قضيه
تحياتى

micheal said...

كلامي في صميم البوست يا باشا
:)

Anonymous said...

dear mirage
when u mentioned in your post that those who speak to our minds have much stronger effect than those who speak to our body ,u touched some nerve here my dear
i have always said that i m looking for a girl who can make love to my mind before my body cause it has a much stronger effect when u speak to someone's mind
sometimes it can be more effective and long lasting than that of the body
u also talked about chemistry and reading minds which i always look for in a girl too
i dont want someone who is empty inside
i want someone to whom i can talk to and share things
u cant come across those people a lot specially those days ,that's why when u meet one of those,u r like finding a rare diamond

Alexandrian far away said...

أقول لسعادتك ليه
لأن التضحيه بامرأه حقيقيه من لحم ودم من أجل شبح رقمي هو فعل لا يفعله إلا شخص لا يعرف يعنى ايه أمرأه من لحم ودم أو شخص مختل عاطفيا
أنا فعلتها مرة وأنا أنتمي للنوع الثاني....على ما أظن

Mirage said...

أقول لسعادتك ليه
لأن التضحيه بامرأه حقيقيه من لحم ودم من أجل شبح رقمي هو فعل لا يفعله إلا شخص لا يعرف يعنى ايه أمرأه من لحم ودم أو شخص مختل عاطفيا
أنا فعلتها مرة وأنا أنتمي للنوع الثاني....على ما أظن

هذا فى حالة ان كانت هذه المرأة التى من شحم ودم هى ملكك
ولكنها ليست لك
بالاضافة انى ذكرت فى سطورى ان خطاب العقل يكون اقوى دائما بالنسبة لى من خطاب الغرائز
اما عن الخلل ا لعاطفى
فلااستطيع ان ابدى رأيا قاطعا
فقد يكون رأيك صحيحا وقد يكون لا
لا اعرف
ولكنها كما قالت ناردين قد تكون ذبذبات روحية
الم يحدث من قبل ان التقطت اذنك نغمات اغنية ووجدت نفسك تدندنها وفجأة سمعتها من خلال كاسيت سيارة مارة او بلكونة فوقك
بالرغم من انك حين بدأت تدندنها لم تكن قد سمعتها بالفعل
هذا يحدث معى كل الوقت
ماذا عنك ؟

Alexandrian far away said...

شوف يا سيدي
موضوع الذبذبات الروحيه ده لا يثبت اي شىء
أكم كان فيه ذبذبات روحيه مع نساء وأنتهى الموضوع نهايات حقيرة جدا
أنا شخصيا لم أعد أؤمن بموضوع الذبذبات ده خالص
أؤمن بمنطقة مشاعري لتوجيهها نحو شخصية سيكون من المربح - شعوريا - أستثمار هذه المشاعر في علاقة معها

سمـــــــــا said...

يا سيدى حمد الله على سلامتك ومبروك على الشفاء
بص بقى ان ال3 قصص عجبونى جدا على المستوى الفنى بمعنى تعبيراتك ووصف الدقيق واللى فعلا بيخلينا نتخيل على رأى ناردين اننا قاعدين معاكم جوه الاوضة بس طبعا مش بنشم المنديل معاك بس أكيد هنكون بنشف عرقنا ..... متفهمش غلط اوضتك قبلى ومش مركب تكييف هههههه

اسلوبك فعلا جميل ولك كاريزما مميزة بس حيث ان دا حصلك فعلا فانا كنت متغاظة منك اوى يمكن علشان انا دايما بشوف ان الراجل ممكن يوصل لايه ويضعف ازاى قدام غريزته حتى لو كانت اللى قدامه مش ملكة جمال كولالامبور بس كفاية عليه اتقان فن الاغراء ساعتها ساعتها لو كان ملك متوجد هيرقع ودا يمكن بيقرفنى انا شخصيا من الرجالة ، فبصراحة كنت متضايقة اوى منك لان شفت من كلامك انك زيك زي اى راجل هيعمل اللى بتعمله لو مكانك .

لكن لما تحررت اخيرا من قيدها فرحت بيك لانك من وجهة نظرى رجعت لانسانيتك مرة اخرى .

بس سؤالى هل علاقتك بصدقيتك الجديدة حب حقيقى ؟ واللا تعود ؟؟ واللا اختلافها
عن التانية جعلك تتشبث بها كمسكن يلهيك عن الاخرى ؟؟ واللا وجودها ساعدك على استرجاع ادميتك فتشعر بامتنان لها ؟؟


تمنياتى لك بالتوفيق الدائم