Tuesday, September 11, 2007

يوم بعد الشغل




وما إن اقتربت من ناصية شارع عبد الخالق ثروت من ناحية شارع رمسيس حتى وجدت سيارة أمن مركزى سوداء كبيرة يصطف على جانبيها جنود الأمن المركزى فانعطفت يمينا لأجد الشارع ممتلأ عن آخره بظباط ولوءات ورتب من العيار الثقيل يمشطان الشارع يمينا ويسارا وكأنى فى ثكنة عسكرية للجيش النازى فى الحرب العالمية الثانية، تطلعت ببصرى باتجاه المدخل الرئيسى لنقابة الصحفيين متوقعا أن يرتطم ناظرية بالاعتصام يتقدمه عبد المنعم محمود فى الميمنة وبجواره وائل عباس فى الميسرة تاركين القلب لنوارة ولكن باءت توقعاتى بالفشل فلم اجد غير بضعة شباب لا يتجاوز عددهم اصابع اليد الواحدة واقفين يتسامروا بجوار المدخل فى سرور وغبطة لا ينمان عن أى بوادر اعتصام اطلاقا.... تمشيت قليلا فى وسط البلد لأهدر بعض الوقت وعدت مرة أخرى لنفس النقطة فى الساعة السابعة مساء فوجدتها كما هى لم يتغير فى ملامحها شيئا برغم ان الاعتصام كان المفترض أن يكون فى السادسة والنصف.0
دفعنى فضولى أمس لمشاهدة هذا الأعتصام فغيرت اتجاهى بعد خروجى من العمل لأذهب إلى وسط المدينة ولكن صبرى نفذ سريعا ولم أطيق الأنتظار اكثر من ذلك فمررت على أبو طارق لأضرب طبق الكشرى المتين وارجع سائرا إلى بيتى فى سلام.0

وبالصدفة لمحت مكتبة آفاق فى شارع القصر العينى فتوقفت قليلا لأدخل اسأل على كتاب قفز إلى ذهنى فجأة ودون أى مقدمات. وبالصدفة أيضا دخلت لأجد الأستاذ نائل الطوخى جالسا معطيا ظهره للباب يتحدث عن رسم الكاريكتير مع أحدهم وأهم مايميز حديثه (نائل) أنه دائما محتفظ بابتسامة على وجهه مهما كان الموضوع الذى يتكلم فيه وغالبا ما تتطور سريعا إلى ضحكة وأعتقد انها لا تغيب عن وجهه إلا عندما يخلد للنوم، وتجلس بجواره فتاة طويلة القامة إلى حد ما أعتقد انها صاحبة مدونة أيضا ولكن لا اعرف من هى وأمامه بمسافة جلست فتاة أخرى شقراء ينسدل شعرها الذهبى اللامع على جانبى وجهها المضىء بلون الثلج ليكسر بذلك حدة الضوء الأصفر الممتلئة به ارجاء المكتبة. أخذت كتابى وانصرفت سريعا دون أن يلاحظ أحدا وجودى.0

لم أعرف لماذا كتبت هذه التدوينة ولكنها مجرد رغبة فى الكتابة.0

والسؤال هو : لماذا يصر المعتصمون دائما الإعلان عن مكان الإعتصام لتحاصره الشرطة من كل الجهات ؟ 0
إذا كانوا حقا يريدوا الأعتصام لماذا لا يبقوا الأمر بينهم على البريد الألكترونى ويكون فى مكان آخر غير وسط المدينة لأنى شعرت بها أمس وقد مللت منهم حقا.0







35 comments:

مـحـمـد مـفـيـد said...

كان هناك ندوه في نقابه الصحفيين عن التعذيب في مصر
لذلك وكالعاده الامن حاصر المنطقه
ولم تكن هناك اي اعتصامات او وقفات احتجاجيه

micheal said...

أنا مللت برضه من المواضيع دي بصراحه و نفسي اللي بيعملوها يكونوا أكثر حيطه و حذرا
تحياتي

Doba said...

كل شخص يتصرف على حسب معتقداته وتفكيره الشخصى


لك ان تشارك او لا تشارك ولكنهم فى النهاية يحاولون ان ينفذوا ما يروه صائبا

انا بشوف انها حاجة غير مفيدة بكل الاحوال ولكن لهم حرياتهم

سلام
هبة

Anonymous said...

كل سنة وانت طيب
ورمضان كريم


فى لابروفايل قريت مفضلات افلامك ولفت نظرى وجود
Shawshank Redemption
بأتفق معاك فيه جداااا
من اهم الأفلام المفضلة عندى


بخلاف منير

رمضان كريم

smraa alnil said...

ميراج

الاول ازيك وعامل ايه
وكل سنة وانت طيب
ناوي تصوم ولا انت مش معانا
هههه

بص بقي

بصراحة كدة انا عايزة اتكلم معاك شوية
فاسمحلي اني اتكلم معاك هنا في كومنت
انت عارف ان ليا علاقات كتير ببعض المدونين
جاي يكونوا مش مشهورين ولا ليهم في السايسة ولا اعرف اي حد اخوان غير مدون واحد تقريبا

بس بصراحة لقيت اكتر من حد وبدون ذكر اسامي لاني مش هقول
بيتهموك بحاجات انا بصراحة مش شايفاها فيك
زي مثلا الكلام اللي اتقال
ان ميراج دة عنصري

وناس قالوا انك مسيحي
وناس قالو انك متعصب اوي
كلام انا عن نفسي مش يهمني
لاني في اي حالة من الالحوال بتعامل مع بني ادم ليه احساس وليه فكر انا بعتربه عالي اوي
وفوق دة ودة بحترمه

مش عارفة الفكرة دي جت منين
بس جايز من خلال التعليقات اللي قروها ليك
مش عارفة

انا مش بقولك الكلام دة عشان احبطك او ازعلك لاني عارفة ان انت اقوي من كدة
انا هطلب منك طلب اعتبره انه طلب من اخت كبيرة او صغيرة مش هتفرق يعني

انا هتكلم من غير ما اشوف اي رد ليك او تعليق ليك علي اي مدونة
انا كل اللي هقوله انك لازم تراعي بعض النقاط في التعليقات
اولهم ان انت لازم تحترم عقلية اللي بيكتب ومن غير تريقة
يعني اسلوب السخرية من الاخرين مش مطلوب وبيستفز اللي ادامك وبيستفز زوار المدونة كمان

انا طبعا لا اعلم مدي صحة كلامي بس انا قلت اقول واجري علي الله

ثانيا كون ان انت مسيحي مثلا فدي مش مشكلة خالص
فلو افترضنا ان انت مسيحي علي الاقل تحترم عقيدة الاخرين
وطبعا انا بقول كدة وخلاص برضه من غير علم
انا مش عايزاك تزعل مني بس زي ما قلتلك اعتبرها نصيحة اخوية عشان انا خايفة عليك
وخايفة علي اسمك
لاني بحترم كلامك اوووووووووي
المهم بقي انت اخبارك ايه

Mirage said...

مـحـمـد مـفـيـد
انا قلت هلاقى بقى شعب مصر كله واقف فى الاعتصام من كتر الدعاية اللى اتعملتله
بس خيرها فى غيرها



Michael
لأ وكل مرة نفس المكان ونفس الناس ونفس الأمن
يعنى بقى سيناريو متكرر



doba
كل واحد حر فيمالا يضر طبعا ياهبة
ماقولناش حاجة
بس يغيروا يعنى
وممكن تكون مفيدة بس بعد وقت
عايزة نفس طويل



شهروزة
اوعى تقولى انك مالكيش فى منير
لأ
انتى كده صعقتينى
مين فى مصر مش بيحب منير
كفاية ان فى مدونة باسم فى حب منير
يعنى مش فى حب تامر حسنى ولا محمد حماقى
ولاد اول امبارح
اما عن الفيلم
فهو من الأفلام اللى غيرت تفكيرى وثبتت عندى روح المثابرة والصبر بشكل خيالى
فيلم عظيم الفيلم ده
وتعرفى انه واخد ترتيب تانى احسن فيلم فى موسوعة السينما العالمية
ولو اتفرجتى على la vie est belle
هيعجبك قوى برضه



smraa alnil
بصى بقى
مبدئيا انتى اصلا ليكى شعبية خرافية وكل الناس تقريبا بتحبك وبتحترمك
وانا منهم طبعا
مع انى بتعمى لما بدخل مدونتك من الخلفية السودا اللى حاطاهلنا دى
بس هنعمل ايه
مضطرين نستحمل عشان نقرا الكلمتين الحلوين بتوعك

وبخصوص موضوع الدين
انا مسيحى بس ولا متعصب ولا نيلة
لأنى ببساطة لو كنت متعصب ماكانش هيبقى أغلى شخصيتين فى حياتى اللى هما اعز اصدقائى مسلمين
وياما بنتكلم فى الدين بضحك من غير حساسيات خالص

بس ده مينمعش ان انا ضد الاخوان المسلمين وضد نشر الفكر المتطرف سواء كان فكر مسيحى أو فكر اسلامى

يعنى احنا مثلا عندنا فى ناس مش بتشترى تليفزيون عشان بيقوللك حرام

بذمتك ده كلام ؟


كل سنة وانتى طيبة يا انجى ورمضان كريم وعلى فكرة انا بصوم غصب واقتدار اولا لأن كل محلات الأكل بتبقى قافلة وثانيا مش باكل ولا اشرب فى الشغل مراعاة لمشاعر زمايلى

اهلا بيكى دايما وشكرا على تقديرك واهتمامك

Anonymous said...

باقولك بخلاف منير فى الاغانى

دة معشوقى الأول

يا ابنى دة انا عندى نوادر له مستحيل تلاقيها عند اى حد تانى
ولا مواقع اغانى ولا ألبومات

أزعم بكل فخر
أن لدى كنزززززز
لمنير

هو حد ميحبش منير؟؟؟؟

Alexandrian far away said...

عزيزي ميراج
المشكله الساسيه في حدوتة (الندال الديموئراتي) الأيام دي أنه بلا أطار أو هدف أستراتيجي وأنه اساسا ردود افعال غير مدروسه، يعني الريس يلعب في ودانه يقوموا يروحوا يعملوا أعتصام، رئيس الوزراء يطرقع صوابعه يروحوا يعملوا وقفه، حلوه وقفه دي على فكره،وهي في النهايه حاله صالونيه حصريه (من الحصيره) وأنا باقترح يبقوا ياخدوا معاهم الكنب والفوتيهات المره الجايه وهما رايحين نقابة الصحفيين عشان القعده تحلو ويغنوا أغنية ليلى علوي الشهيره: يا حلاوة الوطنيه يا.. يا قرع وملوخيه يا

Fantasia said...

the problem is not with those who protest, the problem is with the security forces who get scared out of a few harmless, unarmed people who want to express themselves. They Egyptian regime is exaggerating as usual in reacting to any sign of opposition. They are afraid that if they leave those people to protest in peace, may be more will be tempted to join, thinking they are in a democratic country, and that they can say things against the regime and go home safe.
They have the right to protest in a place where they can be noticed. We can't possibly ask them to go protest in the desert, as if they are crazy people in a fit, who just need to scream for some time and go. What we can do is to keep embarrassing the regime and exposing their extreme measures in handling homeland security.

Doba said...

أحببت فقط أن أضيف لمناقشتك أنت وسمراء النيل

إننى أعتز بك كصديق مدونة وانا بصراحة كنت عارفة ان شخصيتك زى مقلت بالظبط - وده من خلال تعليقاتك الشخصية على زوار مدونتك - انت بتنتقد حاجات موجودة بالفعل فى المجتمع كالاخوان المسلمين او التطرف بشكل عام فى المسلمين او المسيحين بس لازم نكون متأكدين ان ده ميشدناش للخوض فى حوار لا ينتج عنه حلول او تعليقات ايجابية من جانب الآخرين - ميخليناش نقعد نجرح ف بعض

تحياتى ليك يا ميراج وبالتوفيق
هبة

Egypt Rose said...

ازيك

اافق .. دى مكتبتي المفضلة و شكلك كدة اعرفك .. يا ريت علشان اقولك وجه لوجه انت اناس حلو بس بلاش الكشري الله يخليك علشان ده بيجيب الصفرة بعيد عنك وخطر جداً على الصحة والقولون ..

هو الكتاب ايه اللى اشتريته .. وعندي احساس كدة ان الموضوعات اللى احنا بنقرأها وحدة وجبت اللى فكرة حلوة ان اكتب عن الكتب اللى انا بقرأها والروايات الجميلة اللى عندي علشان الناس تستفيد ويمكن تتغير

انت بتصدق حكاية الاعتصام دى .. مفيش حاجة اسمها كدة في مصر مفيش سياسة ولا نشطاء سياسيين .. سلملي على الكشري.. كمان قانوناً اى مظاهرة او اعتصام يجب التبليغ عنها مسبقاً واخذ تصريح بها للامن والا سوف يتم اعتقال جميع من فيها لان ممنوع التظاهر و الاحتشاد في مصر

ويا ابني انت الاصل وانت الصديق الاول وميهمكش من اى كلام تاني وحركات بعملها .. هو انا ليه غير ميراج وشقاوة ميراج وكحايات ميراج

Desert cat said...

هو اى حاجه بيعملها الصحفيين لازم الامن يحط بوزه فيها
لا حول ولا قوة الا بالله

R.O.U.R.O.U. said...

ana 7aset 2enohoum kanabl msh sa7afeyen

we b3d koul dh ye2ololna balad demokraty

tb kouwayes walahy

Ehab said...

بصراحه يا واد يا ميراج كنت عايز اكتبلك حاجه عميقه كده واناقشك زي الناس دي بس مش عارف اقولك ايه
هاقولك بس ان اللي انت كتبته ده يدل على انك بتبص على الدنيا من منظور جميل قوي ولو كنت مش عارف ليه انت كتبت الكلام ده انا هابقى اقولك على الشات انت فنان يا ميراج بجد
اعتز بصداقتك
سلاااااااااااااااااام

Anonymous said...

جائتني هذه الرساله
من احد الزوار
وعندي تعليق
والرساله نصها كالتالى
====
هذا الانسان تمادى في بلطجته التدوينيه لدرجه انه
يقوم بتزوير ردود زوار مدونته
واقتطاع اجزاء منها
هذه المدونه لفضح المدون الغير ديمقراطي
http://who-is-wael-abbas.blogspot.com/
لم احذف كلمه واحده من الرساله
لي تعليق
كل ما احاول فعله هو ان انبه
لخطا فادح وهو ان الفرق بين الثقه والغرور شعره
واقول له انت قطعت الشعره
واعدائه كثروا منهم من هو يحقد عليه ومنهم من له حق
فكنت اتمنى ان يعود الى صوابه ويخرج من حاله الغرور
الذي اصابه
وكان لابد من الرد على الاهانه التي وجهها لى
بافظع الالفاظ لدرجه وصلت لدخول الام في الموضوع
واقسم بالله اني عندما فعلت ذلك الانتقاد الاول
كان بهدف اني اقول له
الي بيته منزجاج لا يقذف الناس بالطوب
اصلح من نفسك لكي يقتنع الناس
بانك تحاول الاصلاح من غيرك
ولكن العنجهيه والغرور والنرجسيه اصابته بالفعل
وكان هناك من هم اولاد حلال يدخولون عندي
ويتركون رساله تقول هذا ما قاله عباس عنك
ثم الذهاب عنده ويقولون نفس الكلام
والحمد لله انا مابسخنش وفهمت المقصد تماما
ولولا وجدت كتابه عباس بنفسه في
الكومنت بتاعه هذا الكلام
ما كنت ذكرت الرساله او تابعت الرد عليه
وارجو من الزائر الذي خصص مدونه بعنوان
من هو وائل عباس
ان يكون غرضه خير وان يكون غرضه
تقويم من نفس وائل وانصاحه واتمنى من الله
الا تكون حسابات شخصيه بينهم
ومع ذلك فالكلام الذي قاله عن موضوع تعليقات عباس الاخيره
فانا اتفق معه مليون في المئه
واخيرا
ليس عندي ما اقوله الا
اوكلت يوم اكل الثور الابيض

Anonymous said...

http://elhakika.blogspot.com/

He and She said...

Yes of course. The internal security is over reacting to any threat they feel from any opponents. I have a friend who is a big police officer now. He used to make fun of those over reactions.
finally, ya ostaz mirage stop inserting you magic words when you describe the women you see because ana 3azeb, 3aazeb, 3AAAAzeb. Erhamni

احساس لسه حى said...

عزيزى
السؤال مش كده
لان اعتصام لازم اعلان
هو فى اعتصام سكيتى
انا مسمعتش عنه
وكمان اسال ليه العدد ده من الامن المركزى والضباط واللوءات
بدل عددهم لايتجاوز اصابع اليدين
هو ده السؤال
تحياتى
سلام

غمض عينيك said...

عادي ياباشا وبكره تلاقيهم محصاريين حتى اجتماعات اي اسرة في اي كليه مش بس اعتصام في الشارع او في النقابه

تحياتي
رمضان كريم
محمد سمير

Unknown said...

تسلم ايدك علي يسقط الاخوان عجبتني اوي اوي اوي
كل سنه و انت طيب

Anonymous said...

http://www.who-is-wael-abbas.blogspot.com/

اعرفوا مين هو وائل عباس

عصفور بلا أجنحة said...

جيت عشان اقول بس كل سنة وانتم طيبيين

Coca said...

معلش انا اسفه يا ميراج مفهمتش تعليقك اللي عندي في البلوج
علي بوست جنين
وانا اسفه اني معلقتش علي الموضوع
لاني ملتقتش حاجه اقولها بصراحه بجد

Ehab said...

انت يا اخ ايه اللي سعادتك حاطه ده عن الأخوان وتشبيههم بالفاشيين ممكن متتدخلش في المواضيع دي يا جدع انت كل شويه تغلبني معاك كده انا شكلي هاخبطك بالبوست في دماغك بعد كده ابقى لو سمحت شيل الصوره دي علشان مش ظريفه بغض النظر عن رأيي فيهم ايه لكن لو سمحت مفيش ليها داعي خصوصا انها منك انت الناس هتفهمها على معنى تاني
سلاااااااااااااااام

Alexandrian far away said...

كل سنه وانت طيب يا ميراج
والسنه الجايه نرمضن من غير تامر حسني
:-)
البانر منور عندك في المدونه
طيب مش تقول هو جه منين يا راجل

يا مراكبي said...

أنا برضه ما بحبش زحمة وسط البلد .. لكن مش ده موضوعنا

أنا جاي أقول كل عام وأنتم بخير

Alexandrian far away said...

بعد أذنك يا ميراج
الشنكوتي الكبير
كل سنه وانت طيب
أنت معترض على بانر الأخوان الفاشيون ليه لو سمحت؟

علوة said...

أعتقد ان الاعتصام ده بقى حاجة على ما قسم
احنا محتاجين فعل حقيقي
لازم نغيّر
لازم نتغير
لازم نبص لقدام
يللا نتحرك يا جماعة
بينا يا مصر

يخرج من يمين المسرح
محدش يصقف
احرااااااااج .. عفوا .. ستاااااار

Anonymous said...

الغالي ميراج...

تساؤلك البرئ عن الجدوى من إعلان المعارضين عن إعتصاماتهم..أربكني !!
واقتراحك البرئ أيضاً ..بإبقاء أمر الإعلان عنها سري وعبر البريد الإلكتروني ..أضحكني !!
مراعاتك لمشاعر الصائمين من زملائك في العمل ...فرحتني !!
نظراً لإني بعاني من نفس الإشكالية تقريباً ..فأناساقتني الأقدار للسكن في عمارة كلها مسيحيين...عدا العبدلله..لحد دلقوت مفيش مشكلة...
ولكن المشكلة ..إني غاوي مشاوي...ونظراً لإن الوضع ميستحملش إني أشتري كباب من أي محل ..ولعدم ثقتي في محلات الكباب من الأساس...فاشتريت ..شوايتين...واحدة كهربة...والتانية شواية عادية ..فحم يعني..ليه شوايتين ؟!!
...طفاسة...
وطبعاً إنت عارف نظام الصيام عندكو...مفيش لحمة...والمشاوي فضَاحه...ميفنعش..نشوي ..والعالم جيرانا..محرومين من اللحمة ليهم زيادة عن كام شهر.. أشوي بقى وبان إني سفاح كرموز...
باكلها مسلوقة ..وأهي شوربتها تنفع في طبخة ولا مع لمون وفلفل أسمر...

كل سنة وانت طيب...
محمد القط

Ehab said...

نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم

صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلاااااااااااااااااااااااااام

Yahia said...

مش عارف والله اقولك ايه بس اهو الناس بتحاول تعمل اي حاجة وعلى الرغم من انها اي حاجة بس هي حاجة برده.

ومفيش حد زي منير بجد

تحياتي

micheal said...

أنت اختفيت فين يا عم
أنت انتخت في الصيام و لا ايه
:)
تحياتي

مهندس مصري بيحب مصر said...

يا ميراج أنا مش إخوان بل كنت عضو في حزب الغد مع أيمن نور
لكن ده ما يمنعش إني بأحب الإخوان لكن مش موافقهم على طول الخط
إقرأ البوست ده و انت تفهمني ان شاء الله
http://egyptioneng.blogspot.com/2007/08/blog-post.html
و ياريت نبقى أصحاب
سلام يا باشا

مهندس مصري بيحب مصر said...

البوست عنوانه مش واضح في التعليق عموماً هو بإسم "أنا مين" و هو أول بوست في المدونة عندي إبقى عدى إقراه

Anonymous said...

سورى بجد انا اول مرة اعرف انة نزل البوم دنيامع انى عندى كل البومات منير تقريباً
لكن سمعت الفيلم طبعاً ومش عاجبنى خالص
على العموم ميرسى على تصحيحك
وفى انتظار الينك

سلام