Sunday, September 23, 2007

الملك محمد منير




إله الغناء فى مصر والشرق الأوسط والعالم بأسره

رب الطرب الأصيل فى العصر الحديث والعصرالقديم وفى كل العصور

ملك الأبداع والتجدد والتميز والأختلاف


آلاف المستمعين يتنظرون حفلة الملك محمد منير فى دار الأوبرا المصرية يوم الخميس القادم الموافق 27 سبتمبر 2007


أذهب هناك لأعيد مولدى من جديد على احبال منير الصوتية


يبكينى ويشجينى ويطربنى ويملأ عقلى بأعذب الكلمات وأرق الألحان


مصر كلها مدعوة لحفلة منير القادمة لتكون الأخيرة قبل حفلة رأس السنة



ورسالة إلى كل من يستمع إلى تامر حسنى وتامر عاشور ومثل هؤلاء

ان مثل هؤلاء المؤديون الذين لم يرتقوا بعض إلى مستوى المطربين ماهم إلا صغار رضع يحبون فى مملكة محمد منير



إله الغناء ورب الطرب



واقدم لكم اليوم أحدى اغانيه التى صدرت فى البوم دنيا


ربما يكون قد سمعها البعض وربما لا



ولكن لى الشرف ان تحتوى مدونتى المتواضعة على أغنية بصوت الفنان الحقيقى محمد منير ليبارك شدوه كلماتى الفقيرة

ويضيف اليها بعض من البريق واللمعان


















Get this widget Track details eSnips Social DNA

علشان يشبهلك ياحبيبتى
حبيته
كان نفسى اناديليك ياحبيبتى
كان نفسى اناديليك وناديته
كان نفسى اناديليك اشكيليك
اسمع منك ابكيليك
كان نفسى انورلك قمرى
واعملليك بايدية الشاى
احكيليك فى الليل حكاياتى
واغنى لعنيكى بناى
كان نفسى اضمك وبقوة
اضمك انتى مش هو
كان نفسى اناديليك واحكيليك
اسمع منك ابكيليك
كان نفسى وجريت ايامى
اخدنى البحر وودانى
كان نفسى
علشان يشبهلك ياحبيبتى
علشان يشبهلك حبيته






33 comments:

The Alien said...

حفلة منير حاجة من الحاجات القليلة اللي بتبسطني ف الحياة

المرادي هنتقابل يامان
ولازم نظبط قبلها

تحياتي

Unknown said...

حلوه الاغنيه
ماكنتش اعرف انك بتحب منير اوي كده

micheal said...

أنا كمان من حبي منير بس أفضل كاظم كنمره واحد
:)
تحياتي

الأستاذ said...

إله الغناء فى مصر والشرق الأوسط والعالم بأسره

رب الطرب الأصيل فى العصر الحديث والعصرالقديم وفى كل العصور

أحترم حبك لمنير كما تشاء ولكن رجاء بلا هذه الألفاظ "إله" و "رب" والحاجات دي ملهاش لازمة
اعذر تدخلي وأنا معرفكش لكن ممكن تقول قيصر زي كاظم كدة أو إمبراطور
وزي م قال micheal أنا أفضل كاظم كنمرة واحد

بنوتة من وسط البلد said...

عزيزى:

اتفق مع الاستاذ فى موضوع اله ورب .. الالوهية والتعظيم من صفات الله العلى القدير

وانا عجبتنى كلمات الاغنية ... بس هو مين ده بقى الى ناداله مكانها هى ؟؟ :)

تحياتى
ورمضان كريم
نايس تايم ان زا بارتى

ناردين said...
This comment has been removed by the author.
ناردين said...

بحب الاغنية دي جداً
ولفترة كانت ليها معنى كبير عندي خصوصاً وصوته في كوبليه كان نفسي انورلك قمري واعملك بايديا الشاي .. كان نفسي اضمك وبقوة .. اضمك انتي مش هو (هو ممكن يبقى اي معنى خاص تاني زي الحزن البحر الوحدة ذكريات مليانة من شخص معين.. مش بس الابن.. اللي يشبه امه
محمد منير .. الكينج بلا منافس
وحفلاته متعة حقيقية برغم الوقفة والزحمة

Alexandrian far away said...

منير
مرشد المراهقة ورفيق الشباب المبكر
أخر قطرة في النهر
أخر لمعة من ضوء الشمس
محمد منير
كم أبكانا بشجر اللمون
قوي قلوبنا بحدوته مصريه
أشعل نيارنا بمويل الهوا ياما مويليا
كم هتفنا معه طعن الخناجر ولا حكم الخسيس فيا
وطفي النور يا بهيه كل العسكر حراميه
أرتعشت قلوبنا مع يا أم مريله زرقا
وأنبهرنا بوسط الدايره
أعظم وأروع البوم غنائي باللغة العربية على الإطلاق
منير
المصنوع صوته من بلح النوبة المسكر وشمسها العفية الحنون
أصداء زمن ليس بالبعيد
تقوم بيننا وبينه حوائط لا نهائية
زمن للأمل والمعنى

تحياتي يا ميراج وشكرا على الأغنيه
يا بختكم بحضور الحفله
أبقوا أفتكروني

Alexandrian far away said...

الصراحه مش فاهم أزاي حد ممكن بيسمع منير وكاظم في نفس الوقت
يا سبحان الله
؟؟؟؟؟؟؟؟؟؟؟؟؟؟؟؟؟؟؟؟؟؟؟

shahy said...

الملك هو الملك محمد منير

جميل قوي انك تكون بتحب محمد منير
مش تقولي نيكول سابا
هو صحيح انت مكتبتش اسمها لية مع تامر حسني

كل اغاني محمد منير رائعة والاغنية دي جميلة قوي طبعا

تحياتي

Mirage said...

the alien
مستنيك يامان
وهيلا هيلا


emy
بحبه بجنون وبحترمه اكتر مابحبه


michael
اش جاب لجاب
اصل ده لون وده لون تانى خالص
وبعدين كاظم بقيله تلات شرايط اساسا مخرى على الآخر
كاظم ده يابنى موضة وقدمت


الأستاذ
تعليقك يندرج تحت طائفة انا بسميها العقيمون فكريا
يعنى انا مثلا لما آجى ارسم لوحة
واقول ان انا خلقت اللوحة دى
انا بالفعل خلقتها
ولا يصح ان تقول ان فعل الخلق يقتصر على الله
لأن الانسان ايضا يخلق اشياء كثيرة
دون النظر الى اوجه الاختلافات طبعا فى المخلوقات او طبيعيتها
كذلك استخدام لفظ رب او اله
فانا لم اقل ان محمد منير هو رب الكون او اله السماء والأرض
قلت انه اله الغناء وبالفعل هو اله الغناء
اللغة ابسط من ذلك بكثير ياأستاذ ويجوز استعمالها فى كل الاحوال مادام انت لا تجور على حق احد او تنتهك حرية الآخرين

وآسف على استخدامى لفظ العقيمون فكريا
ولكنى اناقش النظرية كلها لا اوجهها لشخص بعينه
واؤكد لك ان الاختلاف فى وجهة النظر لا يفسد للود قضية واهلا بيك فى كل الاوقات


بنوتة من وسط البلد
اقرأى ردى السابق بخصوص موضوع الالوهية
اما اللى ناداله
فيقولون انه طفل صغير يشبه حبيبته
وحلوة قوى
نايس تايم ان زا بارتى دى
:)
عجبتنى بصراحة
اتمنى تكونى موجودة عشان تعرفى معنى محمد منير


ناردين
اهلا بيكى وعودا احمد
ايوة كده مدونتى نورت تانى بيكى
مشكلة موضوع الزحمة فى حفلات منير فعلا
وخصوصا ان اننا بنفضل مستنيينه تلات ساعات واقفين على رجلينا لحد مايطلع على خشبة المسرح عشان نقف فى مكان قريب منها
بس نعمل ايه بقى
علشان الورد ينسقى العليق


alexandrian faraway
ايه الكلام الكبير ده بس ياحج
انا مش عارف اقوللك ايه غير ان انبهارى واعجابى بيك بيزيد يوم ورا يوم
وانا فخور ان لية صديق مدونة زيك
طبعا مفيش زى منير
وهو الكل فى الكل

وبخصوص مايكل

انت تعليقك ضحكنى موت

انا اول مرة فعلا اعرف واحد بيسمع منير وكاظم الساهر فى نفس الوقت

اللى هو مفيش وجه مقارنة اساسا

بس نقول ايه بقى

ازواق



شاهى
اهلا بيكى مبدئيا
ونيكول سابا دى حاجة دلع كده يعنى
فرفشة عالماشى
بس الدماغ الحقيقية هى محمد منير
اما تامر حسنى انا ذكرته عشان شعبيته بقت زيادة عن اللزوم بصراحة وحاجة شايف انه ميستحقش ربعها حتى
بس نعمل ايه بقى
ارزاق

Anonymous said...

بجد تحفة
انا اول مرة اسمعها ومبسوطة بيها موت
تعرف انا دمعت اول ماسمعتها منير بيخلينى فى حالة غريبة
بس بعشق انى اكون فى الحالة دى
وبجد ميرسى موت على الاغنية دى
نفسى احضر الحفلة دى بس ياخسارة مش بينفع
اتبسط اوى فى الحفلة واتبسطولى معاكم
لما ترجعوا اكتبوا واحكولى عنها علشان احس انى كنت معاكم
على فكرة انا معاك فى الكلام اللى قولتة عن منير وانة الة الغناءومش مع الناس اللى بيخدوا معنى الكلام حرفى

يلا بقى علشان اروح اسمع الاغنية تانى
لو فية اغانى تانى نزلت من شريطة ياريت ابقى قولى على الموقع علشان انزلها
سلالالالالالالالالالالالالام

micheal said...

alexandrain far way, mirage
أنا مش شايف أي حاجه غريبه في كده..أنا كمان بسمع عمرو دياب و فيروز و عبد الحليم و شاديه و هشام عباس
يعني لو لاحظت حتلاقي أني مش من المنحازين لعصر معين او أصوات معينه و مازلت مصرا علي وجهه نظري بأن كاظم هو الافضل
و علي فكره أنا متفق الي حد كبير مع وجهه نظر الاستاذ
تحياتي

micheal said...

أرجو تقبل كلامي بصدر رحب يا ميراج

إنسان || Human said...

من المهم كثيرا أن نفكر جيدا قبل أن نكتب ونتكلم

The Alien said...

الحفلة يوم الخميس ياميراج
أنا كنت ف اﻷوبرا ومكتوب ف البرنامج إنها يوم الخميس
أنا هبعتلك ع الميل

سلام

اسكندراني اوي said...

يا ما نفسي احضرهااااااااااااااااااااا

مهندس مصري بيحب مصر said...

أنا كمان بأحب محمد منير و هوا الملك في الغناء فعلاً
بس أنا مع الأستاذ و بنوتة من وسط البلد في إن لازم ننقي ألفاظنا
و يا ريت يا ميراج علشان ما تفقدش حب الناس و إحترامهم تخفف كلامك الحاد ده شوية
العقيمون فكرياً دي مش كلمة دي دي دبشاية كبيرة و حدفتها في وش الأستاذ اللي أنا ما أعرفوش
هدي اللعب شوية
و ملحوظة
----------
ليه معتقد إن الإخوان فاشيين إنت شفت منهم حاجة وحشة
أنا جاري مدير مكتب الإخوان في المحافظة و راجل محترم و أولاده أصحابي
أنا أعتقد إن عندك خلط بين الإخوان و جماعات سياسية إسلامية أخري زي السلفيين و أنصار السنة المحمدية و الجهاد الإسلامي و الجماعة الإسلامية
وكل جماعة من دول لها أفكار مستقلة بذاتها و وسائل مختلفة للسعي لتحقيق هذه الأفكار و بعض السلفيين أو الجهاديين المتطرفين أقول بعض و ليس كل بعضهم متطرف يحرم التلفزيون و أشياء أخرى كثيرة و يتمسكون بزي إسلامي معين للرجال و مظهر محدود
و لكن هذا لا يعطيك حق التعميم
من خبرة طويلة و مرمطة في الحياة إسمع مني كلمة حكمة
أي مجموعة من البشر مهما كان تصنيفها أكيد فيها الكويس و فيها الوحش يبقى مش لازم نعمم
أنا عن نفسي إتعاملت مع أغلبية محترمين من الإخوان و إتعاملت مع قلة مسيئة للإخوان بل و كان مديري السابق إخوان و هو شر دعاية للإخوان بتصرفاته التي تناقض أفعاله
و لكن هذا لا يعطينا الحق في التعميم
و أخيراً
آسف على التطويل لكن بمحبة و الله كنت عايز أقولك الكلمتين يمكن يغيروا رأيك في الإخوان
و أحلى سلام يا ميراج

Alexandrian far away said...

صحيح يا ميراج
أنا اضم صوتي لصوت مهندس مصري
وأسالك لماذا تصم الأخوان بالفاشيه؟
ومعاه في أن جملة عقيم فكريا دبشه كبيره
وأقترح أستبدالها بجملة
ضيق الأفق

:-)

احساس لسه حى said...

عزيزى
مفيش اله ولا رب الا واحد
والغناء عند اى مطرب فى الصح والجميل والممتع وفى اللى ملهوش لازمه يتسمع
طبعا ده اخر تعليق ليه عندك علشان انتى مش بترد على االتعلقات
واللى يحط موضوع قبل ما يرد على اللى علقوا عنده
بيسقطوا من تعليقاتى
الا لو شئ استفزنى ممكن اعلق عليه
حتى لو عند شارون
سلام

علوة said...

ايه يا بني الاخلاص ده ؟
ده انت منيرجي قديموانا معفش

لازم نظبط بقى ونروح الحفلة الجاية سوا
يارب قبل ما اروح الجيش

صباح الفل

خيرالدين said...

هل هناك عاقل لا يعشق منير
بجد لما بيغنى باحس انى فخور انه مصرى زيى

وكفايه انه غنى لنا احنا بس
فى الكارتون اللى بنحبه
فى مسلسلاتنا
فى افلامنا
ولوطننا

مش لبنت امير
ولا راح فرح ابن رئيس
ولا ظهر فى ابوريتات نفاق

احييك واتمنى الحفله تكون جميله كالعاده
من غير الاشخاص اللزجه بتوع المره اللى فاتت

عمرو غريب said...

معقولة بتحب منير كل الحب دة انا بصراحة ماعرفش المطرب دة في اية انا اعرف ناس كتير بتحبة حب جنوني

Mirage said...

فرحة

الأغنية دى نزلت فى البوم دنيا اللى نزل مع فيلم دنيا بطولة منير وحنان ترك قبل ماتتحجب طبعا
وواضح انك مسمعتهوش كله خالص
هجيبليك لينك للشريط واديهولك



micheal
انت كونك متفق مع وجهة نظر الأستاذ معناه ان تفكيرك اسلامى خالص ونقى.....حاجة غريبة قوى..انت الثقافة الاسلامية متغلغلة جواك....وبعدين انت مش محتاج تقوللى ارجو تقبل كلامى بصدر رحب..لأن المدونة مدونتك واهلا بيك فى اى وقت وتكتب اللى انت عايزه ياباشا


Human
ازاى يعنى ؟ تقصد ايه بالظبط


The Alien
انا سألت وعرفت انها الخميس اللى هو النهاردة يعنى حتى عدلتها فى البلوج من ساعة مانت قلتلى


اسكندراني اوي
حفلة منير تستاهل انك تجيلها من اقصى الكرة الارضية...مش مكسل تيجى من اسكندرية


مهندس مصري
جميل قوى انك بتحب منير وده عندى كفاية اما بخصوص الاخوان فانا هخصص بوست كامل يحتوى على وجهة نظرى ورأيى فى الاخوان ولينا قعدة تانية



Alexandrian far away
حلوة كلمة ضيق الأفق دى...هبقى استعملها المرة اللى جاية ان شاء الله
وبخصوص الاخوان الفاشيون
متخافش ياعم حقوق النسخ محفوظة لصاحبها وههللك البوست اللى جاى واقول انا جبتها منين

Mirage said...

احساس لسه حى

مفيش اله ولا رب الا واحد
على فكرة الجملة دى مش صح لان ببساطة شديدة الاله اللى بيعبده كل دين بيبقى اسمه ربنا بس فى نفس الوقت الوصف بتاع الاله بيبقى مختلف تماما من دين لدين..برغم ان الاربع حروف هما هما "ربنا" الا ان المعنى بيختلف تماما
وبخصوص موضوع الرد على التعليقات..انا بحاول دايما اجمع أكبر عدد من التعليقات وارد عليها عشان كده لو تلاحظ تلاقينى بجمع اول عشرة وارد عليهم مرة واحدة فى تعليق واحد عشان ماحسبش تعليقات لنفسى على الفاضى
زى مثلا عندك مدونة مايكل كل واحد يعلق عنده يرد عليه بتعليق او اتنين تلاقى فى الاخر عنده 60 تعليق منهم 40 لمايكل
وبعدين بيتبقى عندى شوية تعليقات فى الآخر بيكون حماسى قل واتنقل للبوست اللى بعده فبركز فى البوست اللى بعده وبانسى ارد على التعليقات اللى فاتت
بس عموما اشكرك على لفتك لتظرى للموضوع ده
وهحاول من دلوقتى ورايح ارد على كل الناس ان شاء الله



علوة
نروح يا باشا سوا
اشوفك النهاردة بس الحق ابعتلى رقمك على المايل عشان نظبط



e7na
ان شاء الله مفيش اشخاص لزجة والحفلة تمر بسلام وننبسط كلنا سوا مع الملك محمد منير


عمرو غريب
انت لو قريت البوست كويس هتعرف المطرب فى ايه
فيه انه مفيش زيه ومحدش عمل اللى عمله ولا عمر حد هيعمل ربع اللى عمله
الراجل ده فنان حقيقى

micheal said...

بما أن المدونه مدومنتي زي ما قلت...ففيه سؤال نفسي جدا أسئله لك
ليه بتحخاول تجيب لأي حاجه أقولها في اي بوست علاقه بالاسلام رغم انك متأكد اني مش مسلم...أوعي تكون من الجماعه المسيحيين بتوع نظريه المؤامره
:)
في انتظار الاجابه
أما نظام مدونتي في التعليقات فصدقني يا باشا انا مش قصدي ان عدد الكومنتات تبقي عااليه بس بحب ارد أول بأول
:)
تحياتي

مصطفى محمود said...

انا كمان بعشق منيييييير

مازلت استمتع بمدونتك يا زميل

تحياتى

Anonymous said...
This comment has been removed by a blog administrator.
Mirage said...

انا بعتذر عن مسح تعليقك بس المشكلة انه خايب زيادة عن اللزوم

micheal said...

ايه يا ميراج...بطلت زيارات ليه
أنا أصلي بقيت بحب أتناقر وياك جدا
:)

Loving Anabel said...

العزيز ميراج
الأغنية دي رائعة و دي اول مرة بسمعها مع اني بعشق منير لكن بشكرك و بحييك على اختياركالرائع

david santos said...

Today nobody if can forget:

جمال عبد الناصر,

15/1/1918/ - 28/9/1970

The Great, Gamal Abdel Nasser

He and She said...

ya Mirage. We are good friends all the time. I dont want you let my comment hurts our freindship (lol)I tell you the truth. The first and last time I listened to or saw M. Moneer was 18 yeaes ago on the stage in Alexandria. I saw a guy twisting on the stage as if he has maghas kalawi, making strange movements, stragulating his neck with the mic wire and jumping like a clown. it took me 15 minutes to figure out my first impression and take the decision. I left the concernt and that was my last time ever listening or watching that guy