Sunday, September 30, 2007

محمد منير فى قلب مصر




فى سابقة الأولى من نوعها فى تاريخ جمهورية مصر العربية، لم تحدث من قبل فى زمان عبد الحليم حافظ وأم كلثوم وعبد الوهاب الذين أطلق عليهم عمالقة الغناء العربى، قام جمهور الملك محمد منير برفع النسر من علم الجمهورية
ليضعوا بدلا منه صورة عملاق الغناء العالمى محمد منير.00


كنت فى طريقى لدخول الحفلة ليلة الخميس الماضى وحين لمحت على يسارى تمثال أم كلثوم الكائن فى حديقة الأوبرا فكرت انه حان الوقت لتكريم محمد منير ووضع تمثال له بجوار تمثال هذه السيدة التى تمسك منديل وهى تغنى أو ربما ازالة هذا التمثال تماما ليضعوا بدلا منه تمثال الملك منير ولكن حين دخلت المسرح منتظرا ظهور الملك وجدت أن جمهوره فاق أحلامى ومخيلاتى برسم صورته على علم مصر.00



أما عن الحفلة نفسها فهذا تقرير بسيط عنها مدعم ببعض الصور والفيديو واعتذر عن عدم جودة التصوير وهذا بسبب أنها من موبايلى ذو الكاميرا المتواضعة وبسبب ايضا الزحام الشديد.00




حضر الحفلة أكثر من عشرة آلاف متفرج توالى زحفهم على دار الأوبرا من الساعة الثامنة مساءا وحتى جاءت الساعة الحادية عشر والنصف لم يكن هناك مكان لقدم فى المسرح وكان الغالبية من الشباب الذين لم يتجاوزوا الثلاثين بعد وامتنعت البنات عن احتلال صفوف متقدمة بسبب الزحام وعدم امكانية الرقص وسط هذه الألوف من الشباب فوقفوا فى الخلف ليستطيعوا الرقص فى مساحة حرة.0


دخل الملك على خشبة المسرح فى الساعة الثانية عشر الا خمس دقائق مطلقا أغنية هيلا هيلا معلنا بداية الحفل مشددا عزمنا ورافع حماسنا بعدها بأغنية على صوتك بالغنى وتلتها الحزن شاطر ثم ذبنا فى كلمات ولحن حرية وفاجأنا بعدها بظهور النجمين على الحجار ومحمد الحلو ليغنى معهما بحبك وأشكى لمين كل واحد على حدة على التوالى واختفى النجمين من على خشبة المسرح.0०




ليستكمل هو بأغنية لم اسمعها من قبل وهى الحياة وفى منتصف الأغنية ترنح منير ساقطا على الأرض واضعا يده على رأسه وتلاشت الاضواء من على المسرح وكل الجمهور فى حالة قلق وترقب لما حدث ولم تمر الدقيقة حتى قام منير مرة أخرى بقوة بأغنية علمونى عنيكى وقال بعدها وهو يمرح اللى خبطنى بساعة ده انا هاخد غرزتين فى الخبطة دى وبعدين ده بيرمينى بساعة يبقى أكيد غنى بقى.00



وتوالت الأغانى من حتى حتى ثم الرزق على الله تلتها أحمر شفايف ودورنا معه بعدها فى الكون كله بيدور ثم بالحظ وبالصدف ثم توقف منير موجها كلامه لنا قائلا : طبعا فى احداث كتير بتدور حواليكوا وانتوا كبار مش صغيرين وانا رأييى قلته من زمان من سنين سنين وأطلق قنبلة الحفل حدوتة مصرية وقمت بتسجيلها لتشاهدوا صوت وصورة وتلمسوا عظمة منير.0०



00 وطالب الجمهور بأعادتها مرة أخرى ولكن منير استكمل بوسط الدايرة ثم شيكولاتة واختتم بالدنيا ريشة فى هوا ذاكرا نجوم فرقته فى آخر الأغنية كعادته دائما ينهى حفلاته بالدنيا ريشة فى هوا..ثم وقبل أن يغادر المسرح كان مقررا أن يغنى مدد يارسول الله ولكن لسوء الحظ اختل نظام الصوت وفقد الميكروفون النطق تماما وغناها الجمهور مع منير بصوته.00



انتهت الحفلة فى تمام الساعة الثانية بعد منتصف الليل وعشنا اجمل ساعتين مع ملك الغناء محمد منير لننتظره مرة أخرى على احر من الجمر فى حفلة رأس السنة.00

20 comments:

Doba said...

انا هسميك بعد كده مجنون منير
ايه يا بنى الحالة اللى انت فيها دى

انا حاسة انك واخد ولا عامل دماغ منير
بس هو شخص يستحق الكثير والكثير

تحياتى وعاوزين بوست جامد
ثم انا لاحظت انى اول تعليق مليش دعوة بقى انا عاوزة تذكرة لحفلة منير بتاعت راس السنة واهى بدل عزومة الاكل

تحياتى يا ميراج
هبة

Anonymous said...

بجد مش عارفة اقولك اية ميرسى جداً على البوست دا
انا دخلت تانى يوم الحفلة مش لقيتك كاتب حاجة عنها قلت خلاص دا طنش طلبى
بس دلوقتى لما قراية البوست دا اتبسطت جدا وحسيت انى كنت فى الحفلة
بجد انا بحسدكوا علشان بتروحوا حفلات منير
ميرسى تانى ياقمر انك مكسفتنيش وكمان جبت صور
تحياتى باى باى

Lapa said...

Do you know one of the best portuguese writers ever: CRISTÓVÃO DE AGUIAR?

ALIVE IN MY BLOG.
Thank you.

Egypt Rose said...

هاي ازيك ؟؟ وحشتني جداً

منير .. هو فيه ذي منير وصوت منير وخاصة اغنية علشان يشبهلك .. عيز الحق كل اغاني منير مفيش احلى من كدة ابداً .. طول عمرى كنت بقول نفسي في رجل زى منير مصري اصيل مبدع محب لمصر حتى ملامحة مصرية وقلبه مصري ممكن الوحدة تدوب فيه ومتندمش ابداً

ده طبعاً بعد ربة الارباب آلهة الغناء فيروز .. صوت السماء .. شريكتى في كل حياتي .. احزاني و افراحي وكا ن نفسي اعيش في لبنان علشتن اعرف اشوفها و اسكن جنبها وابوس ايديها كل يوم على حالة الهدوء النفسي و السعادة التى تمنحها لي بصوتها الحنون

اما منير فيداعب انوثني كثيراً من الاحيان يشعرني ان هناك مصريين بيحبوا مصر حتى ولو بصوتهم

Unknown said...

ايه يا عم كل الحب ده ماشيه معاك حفلات و غنا و كله تمام
جميل انك مبسوط اوي كده يا رب دايمآ

Loving Anabel said...

الله عليك والله كأني حضرت الحفلة
ميرسي على المفاجأة الحلوة دي بس كان لازم اخر الريبورتاج ده تكتب نقلها لكم ميراج أبو العافية من قناة كلمتي
ههههههههههه

Alexandrian far away said...

مساء الخير يا ميراج

أولا: تحيه كبيره على التغطيه المتكامله الجميله، فعلا حسستني كأني كنت في الحفله، وزودت حسدي وحقدي عليكم عشان رحتوا وأنا لأ.

ثانيا: أيه يا عم التفويت ده؟
أنتوا جيلكوا فوت خالص ورسمي وبشكل نهائي
أم كلثوم مين يا استاذ ألي ست ماسكه منديل؟ أم كلثوم؟ بشرفي لو منير سمعك ليمد أيده عليك، يا سيدي الفاضل لا يمكن لما نوصل للدور العاشر من المبنى نبدأ في إزالة الدور الأول، فلولا أم كلثوم وعبد الوهاب وعبد الحليم والقصبجي وداوود حسني كمان ما كان أحمد منيب- عارف مين ده؟- ولولا منيب ما كان محمد منير، يا ليله مش فايته
هو أنا محتاج أكرر البديهيات والثوابت دي؟!!!!

وبعدين يا مواطن الناس مش حطت صورة منير على العلم دلوقت ومحطتش زمان صورة الست أو عبد الحليم ، ليس لأنه أعظم منهم ولكن لأنه يبدو أن العلم لم تعد له قيمه، أصبح مثل علبة البيبسي ممكن نلزق عليه أي صوره
يا خوفي لنشوف عليه قريب صورة تامر حسني، أو مؤخرة روبي، أو أثداء بوسي سمير
بجد مصيبه

بس أنبسطتوا في الحفله؟

Anonymous said...

plz plz plz

iam one of mounir fans

i adore him

i was in concert

plz i want 2 download ( 7adota masrya )

law sam7t allah y5lek edena link ne3ml download

3almony a3sha2 so7aby

abdou_7dota masrya

salam

micheal said...

أنا كمان من محبي مير بس مش للددرجه بتاعتك دي أبدا يا باشا
ع العموم أنا متفق مع الرأي القائل بأن العلم المصري ممكن تلاقي أي حاجه ملزوقه عليه بعد كده بس كويس انها جت علي قد منير دلوقتي
:)
تحياتي

Yahia said...

يا بختك يا عم ، حضرت حفلة منير بس الحمد لله وصفك للأحداث خلاني احضرها معاك. منير ده أحسن مغني سمعته في حياتي. ومن وانا صغير طلعت بسمع أغاني ليها هدف ومضمون ومعنى حتى لما بيقول زي ما انا بسمعله دلوقتي وانا بكتب "ساح يا بداح يا سؤال جراح"

تحياتي

Mirage said...

Doba
منير والله يستاهل اكتر من كده بكتير ياهبة
اما بالنسبة للتذكرة فغالى والطلب رخيص
انتى انوى بس انك تيجى الحفلة وسيبى الباقى علية




فرحة
انا مبسوط ان التغطية اللى انا عملتها عجبتك وممكن اللينك ده لو عايزة تنزلى الفيديو بتاع حدوتة مصرية بس انا كنت عايز اسألك هو ايه اللى مانعك انك تحضرى حفلة للملك محمد
منير يعنى ؟
http://www.esnips.com/web/KingMounir



Lapa
I'll come and check it out rightnow



Egypt Rose
انتى عارفة بجد ان انا لما بسمع فيروز بحس صوتها جاى من السما فعلا
فيروز دى مش مطربة اصلا...دى معجزة غناء
بس منير ليه مجده ومملكته طبعا مفيش شك
لكن لو رتبناهم اعتقد ان فيروز طبعا هتسبق منير بصوتها السماوى




EmY
انا بشكرك على مشاعرك الجميلة دى يا ايمى واتمنى لك سعادة دايما فى كل الأوقات



Loving Anabel
لا شكر على واجب
دى أقل حاجة ممكن اقدمها لجمهور منير ومحبين الملك بس تصدقى فعلا فاتنى موضوع ميراج ابو العافية ده
:)




Alexandrian far away
احنا اتبسطنا فى الحفلة طبعا مفيش شك
بس انا هرد عليك بخصوص العلم اللى مالوش قيمة
دى على فكرة مش اجابة مقنعة هما ليه محطوش صورة عبد الحليم او ام كلثوم بس الاجابة الاكتر منطقية هى اللى انا كاتبها فى البوست وبعدين لو انت شايف ان العلم مالوش قيمة يبقى صورة محمد منير هى اللى ممكن تعملله قيمة
لأن محمد منير فنان يستحق كل الاحترام والتبجيل ولا خلاف على ذلك
ويفوق كل سابقينه
انت عارف الناس بتوع زمان دول لو غنوا دلوقتى مش هينجحوا بالمرة
والدليل على كده امال ماهر
الناس زمان كانت بتسمعهم عشان مفيش غيرهم بيغنى
بالظبط زى مالناس كانت بتضحك على افلام شارلى شابلن
هو لو شارلى شابلن ده كان بيعمل افلام دلوقتى كان حد التفتله اساسا
ياباشا كل وقت وليه ادانه والناس اللى انت بتقول عليهم دول موضة وقدمت من سنين



Anonymous
http://www.esnips.com/web/KingMounir
check out this link


micheal
عمرك ماهتلاقى اى حاجة ملزوقة عليه بعد منير
عشان ببساطة منير هو الفنان الوحيد اللى فعلا فى قلب مصر
وانا قاعد وانت قاعد وهنشوف

Egyptiana Trapped Soul said...

اعجبتنى حالة النشوى التى انتابتك
فعلا محمد منير هو ملك الغناء فى مصر حاليا، بل والعالم العربى
احس وكان صوته يغسل روحى من همومها

ولكن اعتب عليك قولك

"فكرت انه حان الوقت لتكريم محمد منير ووضع تمثال له بجوار تمثال هذه السيدة التى تمسك منديل وهى تغنى أو ربما ازالة هذا التمثال تماما ليضعوا بدلا منه تمثال الملك منير"

ام كلثوم لها صوت جميل، وقدرة على الابداع ونقل المشاعر من خلال صوتها واداءها المتميز، ولها اغانى ضربت جذورها فى وجدان المصريين، وتعد من اعلام مصر

بالاضافة الى ان لا يوجد وجه المقارنه، كل له مذاقه ووضعه

ومش عشان انت مش بتحبها تقول كده عنها وتقلل من قيمتها ... ولا ايه يا استاذ ميراج

تحياتى لك وفى انتظار كتابات جديده

Alexandrian far away said...

خلاص يا ميراج
أنا اسف
أنا يأست
ورفعت الرايه البيضا
توبه أعارضك تاني أبدا

Mirage said...

yehia

عمرك ماتلاقى اى اغنية لمنير من غير معنى او مضمون ومفيش اغنية عملها غير لما تلاقى وراها رسالة عايز يوصلها



Miss Egyptiana "Trapped Soul"

غاليتى ايجيبتيانا
اقرأى ردى على الأسكندرانى لتعرفى ما اقصده بخصوص الناس بتوع زمان دول
وبعدين انا ام كلثوم دى بيتجبلى ارتكاريا لما بسمعها
مبطيقهاش بصراحة
تيجى ايه دى فى عظمة وجمال وحلاوة منير
وانا مقلليتش من قيمتها ده بالعكس انا طلبت ان منير يتكرم زى ماهى متكرمة كده
ثم ان منير برضه علم من اعلام مصر دى حاجة مافيهاش كلام
كفاية ان صورته اترسمت على العلم
ودى سابفة اول مرة تحصل مع مطرب للاسباب اللى انا كاتبها فى البوست


Alexandrain Faraway
انا يهمنى اعرف انت اقتنعت بكلامى واللا انت رفعت الراية البيضا عشان انا مصمم على كلامى ورافض وجهة نظرك من اساساه

Unknown said...

ليك تاج عندي يا معلم اجري الحقه

Yasser Hussein said...

اشكرك على البوست الرائع ده.. خليتني أحضر الحفلة في مصر وأنا مسافر براها
في انتظار المزيد

خالص تحياتي

Alexandrian far away said...

لا يا ميراج
أنا سلمت أمري فيك لله
وأستعوضتك عند ربنا
:-)

Anonymous said...

انا بعشق منير وبجد انا بحسدك انا شوفته وكنت واقف قصاده
بجد هو انسان رائع وصوت ملهوش زيى
معلش لو هبقى بايخ معاك شويه
انا عاوز اغنيه شجر اللمون للكينج منير ياريت لو عندك ترفعهالى او تبعتهالى واتمنى انى مكنش
برخم عليك بطلبى
تحياتى ليك

Anonymous said...

كان نفسى بجد احضر الحفله دى بس للاسف الشديد اتعمل دعايه انها فى ليله القدر يعنى العشره الاواخر بس فوجت انها فى ميعادها الى اتعملت فيه بصراحه بس دلوقتى شفتها من وصفك ليها بجد منير لم يحصل على كامل تقدير داخل مصر رغم التقدير الكامل ليه فى اورباء

manar said...

الماهر
شركة تنظيف ستائر بالبخار بدبى
شركة تنظيف بالبخار بدبى